Thursday , March 28 2024

Tiniyak ng Palasyo Kerwin Espinosa ligtas na babalik

TINIYAK mismo ni Pangulong Rodrigo Duterte ang ligtas na pagbabalik sa bansa ni Kerwin Espinosa, sinasabing drug lord at anak ng napatay na si Albuera, Leyte Mayor Rolando Espinosa.

Sinabi ni Pangulong Duterte kahapon ng madaling araw, makaaasa ang lahat na makababalik nang buhay ang batang Espinosa mula sa Abu Dhabi makaraan maaresto nitong nakaraang buwan.

Ayon kay Pangulong Duterte, hindi madaling mapauwi si Kerwin dahil may mga panuntunang dapat masunod bago makuha ang kustodiya sa Abu Dhabi police.

Magugunitang inaasahang pagtitibayin ni Kerwin ang affidavit, ‘blue book’ at ‘pink book’ nang napatay na ama, na nakalagay ang sinasabing mga protector at kasabwat sa illegal drugs operation.

CIDG REG. 8 NADIIN PA – SEN. PING

NANGANGANIB sa panibagong mga kaso ang CIDG team na sumalakay at naka-patay kay Albuera Mayor Rolando Espinosa sa loob ng selda.

Ito ang sinabi ng dating PNP chief at Senate committee on Public Order and Dangerous Drugs chairman, Sen. Panfilo “Ping” Lacson, makaraan ang unang araw ng kanilang pagdinig.

Ayon kay Lacson, mula sa pag-a-apply ng warrant of arrest sa Samar, kahit sa Leyte ang operasyon ay kaduda-duda na ang kilos ng mga pulis.

Abiya, puro sabit ang oras na binanggit ng pulis, dahil lumalabas na mas nauna pang tawagan ang  Scene of the Crime Operatives (SOCO) bago ang enkuwentro kay Mayor Espinosa.

Lalo aniyang nabaon sa problema ang CIDG nang mawala ang CCTV recording na magpapakita sana ng mga aksiyon sa loob ng Leyte sub-provincial jail.

Duda si Lacson na lalabas pa ang kopya ng video dahil planado ang pagkuha rito.

Dinoktor umano ang logbook ng jail facility at inilagay na under repair ang hard drive kahit hindi maaaring i-repair.

KERWIN VIA VIDEO CONFERENCE
ISUSULONG NI SEN. POE

ISUSULONG ni Sen. Grace Poe na makapagtestigo si Kerwin Espinosa sa Senate inquiry kahit sa pamamagitan muna ng video conference.

Nangangamba ang senadora na mangyari sa nakababatang Espinosa ang sinapit ng ama niyang si Albuera Mayor Rolando Espinosa na napatay sa loob ng selda.

Posibleng masayang ang mga kaso laban sa mga idinadawit sa payola list ng grupo kung walang matitira sa mga Espinosa.

Gayonman, hindi pabor si Poe na mabigyan ng immunity ang binansagang drug lord dahil maselan ang mga reklamong kinakaharap niya sa Filipinas.

Mas mainam aniyang manatili sa ibang bansa si Kerwin habang iniimbestigahan kung may mga pagkakamali ang CIDG sa naging operasyon sa Leyte sub-provincial jail, na ikinamatay ng nakatatandang Espinosa.

OMBUDSMAN PASOK
SA ESPINOSA SLAY

MAGSASAGAWA ng sariling imbestigasyon ang Office of the Ombudsman hinggil sa pagpatay kay Albuera, Leyte Ma-yor Rolando Espinosa.

Ayon sa anti-graft body, ang Deputy Ombudsman for Military and Other Law Enforcement Offices ang mangangasiwa sa imbestigasyon.

Inaasahang kakain ng oras ang gagawing probe lalo’t ma-ngangalap pa lamang ng ebi-densiya mula sa mga taong makapagbibigay impormasyon sa pagkamatay ng alkalde.

Unang nag-imbestiga ang Senado dito habang ilang mambabatas sa Kamara ay umapela na magsagawa ng serye ng pagdinig kaugnay nito.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *