Friday , March 29 2024

Mga Kabalen ni Allen, dumagsa sa Robinson’s Balibago para sa Area

SUMUGOD sa Robinson’s Balibago, Angeles City ang mga Kabalen ni Allen Dizon upang suportahan ang pelikulang Area. Naganap ito last Wednesday at bukod kay Allen, present sa naturang event ang mga tampok sa pelikulang ito tulad nina Sue Prado, Sancho delas Alas, Eufrocina Peña, Tabs Sumulong, at iba pa.

Hindi nakarating ang isa sa bituin nito na si Ai Ai delas Alas dahil sa jetlag. Kagagaling lang kasi ng Kapuso comedienne sa US para sa dalawang concerts doon.

“Nagpapasalamat kami sa mga taga-Angeles sa pagpunta nila rito, sa suporta nila. Masaya ako kapag ganito, dahil kung sa abroad o sa mga international filmfest ay tinatangkilik at pinupuri ang mga pelikualng tulad ng Area, sana ganoon din dito sa ating bansa. Kaya nakakataba ng puso ito,” wika ni Allen.

Nang biruin naman namin si Allen kung puwede niya kaming samahan sa Area na dati siyang naging customer noong kabataan pa niya, nakangiting sagot niya sa amin: “Halika punta tayo, malapit lang iyon dito.”

Nariring ko sa aking tabi at likuran ko ang reaction ng moviegoers sa pelikula at kuwelang-kuwela ang mga eksena rito pati na ang dialogues dahil halos 95 percent ng kabuuan ng pelikula ay nasa native dialect ni Allen na isang Kapampangan, although may English sub-titles naman ang pelikula.

Ang pelikulang ito na bagong obra ni Direk Louie Ignacio mula BG Productions International ay sumasalamin sa kalagayan ng mga taong kapit sa patalim para lang maka-survive sa hirap ng buhay, kahit na magpakababa sila sa pagbebenta ng laman. Hinggil ito sa isang lugar sa Angeles City, Pampanga na tinatawag na Area na may mga prostitute sa murang halaga.

Ayon naman kay Direk Louie, sobrang saya niya dahil pati mga staff niya at ibang kasamahan sa industriya ay todo-suporta sa kanyang pelikulang ito.

Masayang saad naman ng lady boss ng BG Productions na si Ms. Baby Go: “Natutuwa kami sa suporta ng mga taga-Angeles, Pampnga sa aming pelikulang Area. Proud kami sa pelikulang ito, like noong nasa Kazakhstan kami, talagang yung mga manonood doon at pati media ay talagang pinupuntahan kami para batiin kami at para ma-interview about sa Area.”

ALAM MO NA! – Nonie V. Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *