MASUSING iniimbestigahan ng Parañaque City Police ang pagpapatiwakal ng isang director ng Energy Regulatory Commission (ERC) ng Department Of Energy (DOE) sa Parañaque City.
Sinasabing nagbaril sa ulo ng calibre .38 baril (Smith & Wesson) ang biktimang si Atty. Francisco Villa Jr., 54, ng 8 Florida St., Merville Park Subdivision, Brgy. Merville, Parañaque City .
Base sa inisyal na pagsisiyasat nina SPO2 Christopher Mamigo at SPO2 Christopher Bilange, base sa pahayag ng kasambahay na si Marlyn Magdasoc, dakong 6:00 am nang mangyari ang insidente sa silid ng biktima.
Sa salaysay ni Magdasoc, habang naglilinis siya sa kusina ay nakarinig siya ng putok ng baril ngunit binalewala lamang niya ito.
Ilang sandali ang nakalipas, nagtungo siya sa sofa upang kunin ang mga basura nang kanyang mapansin bukas ang silid at nakitang nakahandusay ang biktima sa kanyang kama katabi ang baril.
Nakuha ng Scene of the Crime Office (SOCO) ng Southern Police District (SPD) ang basyo ng bala ng kalibre .38 at tatlong pahinang suicide notes na may iba’t ibang petsa sa loob ng silid ng biktima.
Sinasabing nakalahad sa suicide note na may kaugnayan sa trabaho at problemang pinansiyal ang pagpapakamatay ng biktima.
( JAJA GARCIA )