Friday , March 29 2024

Marcos sa libingan ng mga bayani aprubado sa SC (Sa botong 9-5 ng mga mahistrado)

110916_front
PINAHINTULUTAN ng Supreme Court (SC) ang paghihimlay kay dating Pangulong Ferdinand Marcos sa Libingan Ng Mga Bayani (LNMB).

Sa desisyong inilabas ng Korte Supreme, siyam mahistrado ang bumoto pabor sa panukala, lima ang kumontra habang isa ang nag-inhibit.

Mismong si Pangulong Rodrigo Duterte ang nag-utos na ilibing si Marcos sa LNMB.

Sa kabila ito nang pagtutol ng mga biktima ng pang-aabuso ng karapatang pantao noong Martial Law.

Kabilang sa mga bumoto nang pabor sina Justice Presbitero Velasco Jr., Justice Teresita Leonardo-De Castro, Justice Arturo Brion, Justice Diosdado Peralta, Justice Lucas Bersamin, Justice Mariano Del Castillo, Justice Jose Perez, Justice Jose Mendoza, at Justice Estela Perlas-Bernabe.

Habang ang komontra sina Chief Justice Maria Lourdes Sereno, Justice Antonio Carpio, Justice Marvic Mario Victor Leonen, Justice Francis Jardeleza, at Justice Alfredo Benjamin Caguioa.

Samantala, nag-abstain si Justice Bienvenido Reyes.

Kaugnay nito, todo ang pasalamat na ipinaabot ni dating Sen. Bongbong Marcos sa Supreme Court (SC) makaraan paboran ang pagpalilibing sa labi ng kanyang ama sa LNMB.

Ayon kay Marcos, nagpapasalamat sila sa nakararaming justices ng Korte Suprema na bomoto sa bilang na 9-5 para katigan ang kanilang petisyon.

Aniya, masaya sila dahil kinilala ng SC ang karapatan ng kanilang tatay bilang isang war veteran.

Pinasalamatan din ng nakababatang Marcos si Pangulong Rodrigo Duterte na isinulong ang pagpalilibing sa labi ng dating presidente sa LNMB.

“We are grateful,” ani Marcos.

Sinabi ng dating senador, dahil sa paborableng desisyon, tuloy-tuloy na ang kanilang gagawing paghahanda.

Dagdag niya, ang nasabing desisyon ay simula ng “healing process” ng bansa.

SC DECISION INAASAHAN NG PALASYO

INAASAHAN ng Palasyo ang naging desisyon ng Korte Suprema na payagan na maihimlay sa Libingan Ng Mga Bayani (LNMB) ang labi ni dating Pangulong Ferdinand Marcos.

Inihayag kahapon ni Chief Presidential Legal Counsel Salvador Panelo, tulad ng kanyang inaasahan na ang magiging pasya ng Korte Suprema ay kakatig sa teorya ng Palasyo na ang batas at mga regulasyon ay pinahihintulutan na mailibing ang mga dating Pangulo at sundalo sa Libingan ng mga Bayani.

“As I have expected the ruling validates our theory that the law and the regulations allow the burial of ex-Presidents and soldiers in the Libingan ng mga Bayani,” ani Panelo.

Umaasa ang Palasyo na matutuldukan na ang pagtutol sa paglibing kay Marcos at panahon na aniya na mag-move on ang bansa at harapin ang mas napapanahong mga usapin kaysa mangunyapit sa isyung emosyonal na hindi produktibo at nagdudulot nang pagkawatak-watak.

“Hopefully, the decision will put to rest the opposition to the burial of Marcos. It’s about time the nation moves on and confront the more pressing concerns of the country rather than linger on an emotional issue that is unproductive as it is divisive,” dagdag ni Panelo.

Habang sinabi ni Presidential Spokesman Ernesto Abella, kinikilala ng Palasyo ang pasya ng Supreme Court bilang “final arbiter” ng lahat ng kuwestiyon sa legalidad.

“We hope the matter will finally be laid to rest, and that the nation find the wherewithal to move forward and to continue forging a nation that is peaceable, just and fair to all,” ani Abella.

( ROSE NOVENARIO )

LP DESMAYADO

DESMAYADO si Liberal Party president Sen. Francis “Kiko” Pangilinan sa ruling ng Supreme Court (SC) kaugnay sa pagpayag na maihimlay si dating Pangulong Ferdinand Marcos sa Libingan ng mga Bayani.

Ayon kay Pangilinan, nakalulungkot na sa kabila nang ipinaglabang kalayaan laban sa diktador na gobyerno ay sa ganito magtatapos ang usapin.

Giit niya, hindi bayani ang dating presidente at malaking dagok sa human rights victims ang desisyon ng Korte Suprema.

“Marcos is not a hero. His burial at the Libingan ng mga Bayani desecrates our democracy and the memory of those who fought for freedom and justice in our country,” wika ni Pangilinan.

Habang para kay Sen. Risa Hontiveros, nabigo ang mga mahistrado na makita at maprotektahan ang ipinaglalaban ng mga naapi sa panahon ng Martial Law.

“The Supreme Court has miserably failed the test of history and broken our hearts. By allowing the remains of the late dictator Ferdinand E. Marcos to be buried in the Libingan ng mga Bayani, the high tribunal has failed to protect the truth from the Marcoses’ fictional universe,” wika ni Hontiveros.

ni LEONARD BASILIO

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *