Friday , March 29 2024

Arjo Atayde, bilib kay Coco Martin!

MASAYA si Arjo Atayde sa pagiging bahagi niya ng top rating TV series na FPJ’s Ang Probinsyano sa ABS CBN. Ayon kay Arjo, maganda ang bonding ng casts nito, solid ang kanilang samahan, at bigay-todo rito ang lahat para lalong pagandahin ang kanilang TV series.

Nang usisain namin ang tisoy na anak ni Ms. Sylvia Sanchez kung ano sa tingin niya ang sikreto ng success ng kanilang TV series sa Kapamilya Network na pinagbibidahan ni Coco Martin, ito ang kanyang sagot:

“Tingin ko parehas lang kami ng gustong gawin lahat, ang magbigay ng inspirasyon sa mga tao, magbigay… paano ko ba sasabihin? Magbigay inspirasyon, magbigay ng aral sa mga kabataan…. So it’s the same thing, same goal for all of us. At saka masaya kami kapag magkakasama, very bonded,” esplika niya.

Sinabi rin ni Arjo na parang kapatid ang turingan nila ni Coco. “Ka-close ko po siya na parang older brother na nagbibigay ng advice, tumutulong.”

Ayon pa kay Arjo, since si Coco ang consultant sa seryeng ito, mabusisi ang aktor at talagang pinapaganda nang husto ang kanilang serye para suklian ang pagsuporta at pagtangkilik ng viewers.

Nakakahawa ba ang galing ni Coco kapag kaeksena mo siya?

Sagot ni Arjo, “Lahat sila nakakahawa rito, sina Tito Eddie Garcia, Albert Martinez, si Ms. A-Ms. Agot (Isidro), Coco, Tita Susan (Roces), lahat sila ay magagaling talaga.

“Actually all of them naman eh, magagaling sila, kapag kumonek ka, they’ll hit you up with emotions as well. Also the CIDG boys, the thing is masaya kami lahat because work is work, fun is fun. Lahat sila ganoon, kaya masaya kapag nagtatrabaho kami,” nakangiting saad pa ng magaling na actor.

Sa ngayon, bukod sa patindi nang patindi ang mga action scenes dito, ang isa pang tinututukan sa serye nila ay ang napipintong pagpe-frame-up kay Coco. Kaya sure ako na lalong excited ang mga suking viewers ng Ang Priobsinyano dahil posibleng magkita sa kulungan ang magiting at tapat na pulis (Coco) at ang astig na drug lord (Albert Martinez).

ALAM MO NA! – Nonie V. Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *