Thursday , March 28 2024

Kuya Bodjie, ‘di kilala ng mga blogger

HANGGANG ngayon pala ay maraming Pinoy na ang alam ay sa pambatang TV show lang noon na Batibot naging aktor si Bodjie Pascua.

Maski ang mga kabataang blogger na naiimbita sa mga press conference ng Philippine Educational Theater Association (PETA) ay nagugulat na kasali sa cast—at sa isang major role—si Kuya Bodjie na sa Batibot lang nila napapanood noon.

Nagulat kami sa ganoong reaksiyon ng maraming bloggers sa presscon ng 3 Stars and a Sun ng PETA noong nakaraang Enero ng taong ito. Happily, sa media launch ng kompanya sa latest production nilang The Tempest Reimagined, wala nang nagtaka na may major role roon ang kilalang si Kuya Bodjie.

Na-Google na kaya ng mga kabataang ‘yon na halos 20 taon na ang nakararaan, siya ang bida sa Canuplin, isang 3-act play tungkol sa isang sikat na komedyante noong panahon ng bodabil (“vaudeville” sa Ingles) sa bansa na ang nagtanghal ay ang PETA?

Actually, bago pa man siya sumikat sa telebisyon bilang Kuya Bodjie kilala na siya bilang mahusay na actor ng PETA. Sa Amerika siya nag-aral ng theater acting ng pormal bagamat sa San Beda College pa lang dito sa bansa ay lumalabas na siya sa entablado noong nasa high school siya roon.

Si Gonzalo si Kuya Bodjie sa The Tempest Reimagined; si Gonzalo ay isa sa mga biktima sa Leyte ng pananalanta roon ng bagyong Yolanda.

Isang napaka-unique na pagtatanghal ng The Tempest Reimagined dahil adaptasyon ito sa Philippine setting ng The Tempest ni William Shakespeare. Bagamat Filipino/Tagalog ang mga dialogo sa maraming bahagi ng pagtatanghal may ilang bahagi na Ingles ang salita ng ilang tauhan. May kinalaman sa isang unos (bagyo!) ang orihinal na dula, kaya naisip ng PETA, sa pakikipagtulungan sa British Council at Japanese Foundation, na ikumbida ang orihinal na Tempest sa istorya ng Yolanda sa Leyte.

Sa Nobyembre 11 na magsisimulang ipalabas ang The Tempest Reimagined sa PETA Theater Center sa likod ng Quezon City Sports Club sa E. Rodriguez Avenue. Tatagal ito hanggang first week of December. Tuwing weekend lang ang palabas. Tumawag sa Ticketworld para sa availability ng tickets.

May ka-alternate nga pala si Kuya Bodjie bilang Gonzalo: ang chubby TV comedian na si Gabe Mercado na actually ay matagal nang stage actor at teacher ng tinatawag na “improv acting.”

KITANG-KITA KO – Danny Vibas

About Danny Vibas

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *