Friday , March 29 2024

Propesor mulang UP Diliman, kauna-unahang nagwagi sa Sali(n) Na! para kay Heneral Luna

110516-almario-alcantara-salin-na
KASAMA ni National Artist at Tagapangulo ng Komisyon sa Wikang Filipino (KWF) Virgilio S. Almario si Dr. Teresita A. Alcantara, propesor ng Español at Filipino sa UP Diliman, ang kauna-unahang nagwagi sa timpalak sa pagsasalin ng KWF, ang Sali(n) Na! (Kuha ni RAMON ESTABAYA)

Si Dr. Teresita A. Alcantara, propesor ng Español at Filipino sa UP Diliman, ang kauna-unahang nagwagi sa timpalak sa pagsasalin ng KWF, ang Sali(n) Na!

Pinarangalan ang kaniyang Mga Impresiyon, salin ng Impresiones ni Antonio Luna noong 28 Oktubre 2016, sa NISMED Auditorium, UP Diliman, Lungsod Quezon.

Tatanggap si Alcantara ng P50,000.00 at karapatang mai-limbag sa ilalim ng Aklat ng Bayan ng KWF. Sinusundan ng salin ng Impresiones ang Ang Rebolusyong Filipino (La Revolucion Filipina) ni Apolinario Mabini na  isinalin ni Dr. Michael Coroza ng Pamantasang Ateneo.

Laman ng Impresiones ang mapanuri at mapanggagad na táya ni Antonio Luna sa mga kaugalian ng mga Español, na naglathala ng mga sanaysay sa La Solidaridad.

Ayon kay Rogelio Mangahas, isa sa mga hurado, maituturing si Luna na Ama ng Sanaysay at Creative Non-Fiction sa Filipinas dahil sa pambihirang lawas ng kaniyang isinulat.

Binuo ang lupon ng inam-palan nina Rogelio Mangahas, Anna Maria M. Yglopaz, at Salvador Malig.

Layon ng Sali(n) Na! na maisalin ng pinakamahahalagang tekstong pampanitikan, pangkultura, at pangkasaysa-yan ng bansa tungo sa paglikha ng isang imbakan ng mga opis-yal at mapagtitiwalaang salin sa Filipino ng mga nasabing akda.

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *