Wednesday , December 12 2018
Breaking News
You are here: Home / Opinion / Boykotin ang anti-Marcos concert sa Luneta
Boykotin ang anti-Marcos concert sa Luneta

Boykotin ang anti-Marcos concert sa Luneta

MUKHANG naubusan na ng gimik ang mga tumututol sa paglilibing kay Pangulong Ferdinand Marcos sa Libingan ng mga Bayani (LNMB). Matapos kasing langawin ang sunod-sunod nilang rally, ngayon naman isang concert ang pakulo ng grupo bilang pagtututol sa Marcos burial.

Ang concert ay gagawin sa Rizal Park na pangungunahan ni Noel Cabangon kabilang na ang mga hindi kilalang artist. Si Noel ay kabarkada ni dating Pangulong Noynoy Aquino kaya ma-dalas na makita sa mga pagtitipon at rally noong nakaraang administrasyon. Super sepsep si Noel sa Liberal Party.

Ang ibig lang sabihin, pakulo na naman ng “dilawang kulto” ang isasagawang concert katuwang ang grupong makakaliwa na walang ginawa kundi ang sumigaw ng imperyalismo at kung ano-ano pang walang katuturang slogan.

READ MORE:  Itinumba para hindi kumanta

Nakita ng mga dogmatikong grupo na hindi na epektibo ang kanilang isinasagawang kilos-protesta laban sa Marcos burial kaya naisipan na mag-concert na lang sila sa Rizal Park. Ang masakit nito, tiyak na lalangawin ang concert dahil malamang na naroroon na naman ang mga epal tulad nina Sen. Risa Hontiveros, Butch Abad at Mar Roxas.

Sa kabilang banda, mukhang maayos ang isasagawang pagkilos ng mga pabor sa paglili-bing kay Marcos sa LNMB. Bukod kasi sa Torch Parade-Vigil, isang Luksang Parangal ang isasagawa ng mga grupo sa harap ng Supreme Court.

READ MORE:  Imoral ang pagluluwas ng lakas paggawa  

At sa harap ng SC, magkakroon ng poetry reading, dula at mga awitin. Layunin ng mga pagkilos na ito ay maiparating sa mga mahistrado ng SC na desisyonan na ang usapin sa paglilibing kay Marcos at maging parehas sa kanilang gagawing pagboto.

Inaasahang higit sa walong boto ang makukuha ng pabor sa Marcos burial kontra sa makakaliwang petitioner na tumututol sa paglilibing. Inaasahan ding si Associate Justice Diosdado Peralta ang boboto pabor sa Marcos burial kabilang na ang pito pang mahistrado.

Kaya nga, mukhang natataranta na ang grupo ng kaliwa at dilaw kaya kung ano-ano na lang ang pakulo na kanilang ginagawa. Dapat lang boykotin ang concert na isasagawa sa Rizal Park dahil wala naman itong kawawaan.

READ MORE:  Ratsada uli si VP Binay

Siya nga pala, dapat malaman ng lahat na si Rom Dongeto ng bandang Buklod ang composer ng awiting Kanlungan at hindi si Noel Cabangon. Inawit lang ito ni Noel at hindi dapat na ikabit ito sa kanyang pangalan.

Ang bandang Buklod ay isang progresibong grupo na madalas na makitang tumutugtog kapag may mga rally sa Mendiola at Liwasang Bonifacio. Hoy, Noel, mahiya ka naman!

SIPAT – Mat Vicencio

COMMENTS

About Mat Vicencio

Scroll To Top
 

Copyright hatawtabloid.com | All Rights Reserved