Friday , March 29 2024

Kapamilya stars, isasabak na rin sa teatro

WOW, magaling talaga ang ABS-CBN. Malawak ang isip. Broadminded at may foresight. Bukod sa pagko-co-produce ng Ako si Josephine, na kapapalabas lang sa PETA Theater Center ng Philippine Educational Theater Association, isosoga na rin ng network ang mga artista nila sa teatro.

Ilang buwan na rin ngayon na matahimik na ibinabando ng Ballet Philippines na sa Disyembre ay itatanghal nila ang Aawitin Ko at Isasayaw Mo na magtatampok sa ilang Kapamilya stars, kasama ang mga miyembro ng Ballet Philippines, isa sa resident dance companies ng Cultural Center of the Philippines.

Ngayong Oktubre, malamang na i-announce na ng Ballet Philippines at ng ABS-CBN kung sino-sino ang Kapamilya stars na itatatampok sa Aawitin Ko at Isasayaw Mo. Malamang ay mapapabilang ito sa Christmas presentations ng Ballet Philippines.

Ang tiyak na ay si Bibeth Orteza ang susulat ng script ng pagtatanghal, at ang magdidirehe ay si Paul Alexander Morales, ang mismong artistic director ng Ballet Philippines. Ang sasaliw sa mga sayaw at awit sa pagtatanghal ay ang ABS-CBN Orchestra sa pamumuno ni Gerard Salonga, nakababatang kapatid ni Lea Salonga, isa sa mga hurado sa The Voice ng ABS-CBN.

Oo nga pala, ang ABS-CBN Orchestra rin ang sasaliw sa pagtatanghal ng Ballet Philippines ngayong October 21-23 ng Simoun, ballet adaptation ng El Filibusterismong ating national hero na si Jose P. Rizal. Sa gabi ang pagtatanghal. (Actually, may kakambal na Crisostomo Ibarra ang Simoun, at sa hapon naman ito itinatanghal, pero ibang grupo ang sasaliw sa mga mananayaw.)

Tungkol naman kay Bibeth, alam n’yo na sigurong siya ang paboritong scriptwriter ni Vic Sotto para sa kanyang mga pelikula at TV shows. Alam n’yo rin bang si Bibeth ay misis ng filmmaker at ngayo’y theater director na ring si Carlos “Carlitos” Siguion Reyna? Last weekend ngayon ng Isang Panaginip sa Gitnang Tag-araw, adaptasyon sa Filipino ng A Midsummer Night’s Dream ni William Shakespeare.

Nasa cast ng Isang Panaginip ang film-TV actress na si Jackielou Blanco, misis ng actor-TV director na si Ricky Davao.

Oo nga pala, may anak sina Bibeth at Carlitos na comedian, si Rafa Siguion Reyna, na nasa cast din ng Isang Panaginip na sa Little Theater ng CCP ipinalalabas ng Tanghalang Pilipino.

KITANG-KITA KO – Danny Vibas

About Danny Vibas

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *