Friday , March 29 2024

Mark, malabo pa sa My Love from The Star

SOBRANG overwhelmed daw si Mark Neumann nang mabasa niya ang mga link sa kanya sa Twitter na isa siya sa pinagpipilian bilang leading man ni Jennylyn Mercado sa remake ng Koreanovelang My Love From The Star na mapapanood sa GMA 7 sa 2017.

Sabi ni Mark, “ang daming nagta-tag po na write-ups, actually hindi po namin alam ng manager (Gio Medina) ko, wala po akong kinalaman doon, basta in-open ko lang ‘yung twitter ko, tapos nakita ko nga ‘yung na-link sa akin.”

Bakit, hindi ba posibleng i-consider siya? “I’m still with TV5 po and I’m still their contract artist.”

Dagdag naman ng manager ni Mark na si Gio, “nandoon pa kami sa respeto, kasi siyempre kung saan tayo nagsimula, tapusin natin kasi hindi naman magiging Mark Neumann ‘yan without TV5

“Well, marami naman tayong kaibigan in both networks, madali naman kasi ‘yan kapag magaling ang artista, kukunin at kukunin ng sinumang network. Pagkaalam natin wala, eh, ‘di wala.”

At kaya raw siguro nabanggit ang pangalan ng aktor ay dahil nag-guest siya sa weekly drama show ng GMA7 na Karelasyon.

“Kaya siguro natsismis because nag-guest ako sa GMA. I’m in a different network, they still think of me, parang proud feeling kasi. More of thinking about me,” saad pa ni Mark.

As of now ay may ginagawang Sine Squad series si Mark sa TV5 at may mga inilalatag pang projects niya.

Bukod dito ay nakagawa na rin ng pelikula ang aktor, “‘yung movie po na ‘Kamandag ng Droga’ with Direk Carlo J, Caparas, kasama ko po si Ms Lorna Tolentino, si sir Boyet (de Leon), no idea po kung kailan ito ipalalabas.

“It’s all about drug in relation with what President Duterte is doing, change is coming nga, it’s an advocacy movie.”

At dahil kalat na maraming taga-showbiz na sangkot sa droga ay pabor ba si Mark na magpa-drug test?

“Anytime po, right now?” mabilis na sabi nito.

Suportado raw ni Mark ang administrasyong Duterte sa pagsugpo ng droga sa bansa, “opo kasi however, we pointed out or look at it, whatever we analyze it, drug is still bad in anyway.”

Eh, ‘yung isapubliko ang mga pangalan ng artista na sangkot sa droga, suportado rin ba ni Mark?

“Well, that naman, it is hard if someone will be called out for their name and for example they been tested and positive, it’s a bit hard you know, people still wants to seek justice and clarity, you know what I mean,” pahayag ng binata.

Maraming nakapansin na mas guwapo ngayon ni Mark, maayos ang katawan at buhok at dahil disiplinado kasi ang manager niyang si Gio na may-ari ng lahat ng Artista Salon na kinuhang endorser ng Selective Professional products ng may-aring si Sharon Sy.

Kuwento ng manager ni Mark, “ingat ako pagdating sa mga ginagamit kong product sa salon kasi ayaw ko ng makakasama sa health ng isang tao, that’s why I use organic products natural lahat lang itong Selective Professional kasi walang formalin. That’s why I’m very thankful kay Sharon Sy for getting tito Gio as their endorser kasi nasubukan ko rin ang it’s really healthy sa katawan natin.

“Kaya hindi rin po ako nagpupunta sa ibang salon kasi organic lahat ang product ng tito ko sa salon niya and for 12 years, we never endorse products except for Selective Professional, eco-friendly pa.”

Pawang organic daw kasi ang produkto ng Selective Professionals hindi katulad ng ibang ginagamit ng mga salon na may formalin kaya nakararamdam minsan ng pagbabago pagkatapos magpa-kulay o magpa-ayos ng buhok.

Kaya Ateng Maricris, pag nagpa-salon ka, ask mo kung Selective Professional products gamit nila kasi organic yun.

FACT SHEET – Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *