Friday , March 29 2024

Ex-solon/publisher, ret. general ‘protektor’ ni Colangco

101116_front

IDINAWIT bilang ‘protektor’ ni convicted robber at murderer Herbert “Ampang” Colangco ang isang dating mambabatas at publisher ng isang tabloid; at ang kanyang bayaw na isang retired police general.

Isinalaysay sa pagdinig sa Kamara ni convicted kidnapper Jaybee Sebastian na noong 2013 ay itinalaga ng Bureau of Corrections si Colangco bilang overall spokesperson ng Maximum Security Compound sa (NBP).

Sa pagdinig tahasang tinukoy ni Sebastian, sina dating congressman Prospero “Butch” Pichay Jr. at police retired general Nicolas Pacinos Jr., na umano’y protektor ni Colangco.

Ani Sebastian, umapela siya kay noo’y NBP Officer-in-Charge Rafael Ragos para bawiin ang posisyon kay Colangco sa katuwirang hindi masyadong nakapag-aral.

Si Sebastian nang panahong iyon ay umaaktong kinatawan ng mga preso at siyang humaharap sa mga opisyal ng Department of Justice (DOJ) kabilang si noo’y Seretary Leila de Lima kapag bumibisita sa NBP.

“Nagbigay ng revocation order ang Bucor kay Ampang as overall spokesperson at naghati ang presidio at carcel. Doon na nagsimula ang alitan namin ni Ampang dahil iniisip niya na nilinlang ko siya,” ani Sebastian.

Pag-upo aniya ni Bucayu bilang director ng Bucor ay muling binuo ang council of elders at inihalal siya ng lahat ng commanders para maging chairman ng council of elders.

“Ngunit hindi pumayag si Colangco, gumamit sya ng koneksiyon, sina General Pasinos at Congressman Pichay at muli na namang nahati ang bilibid. Sa kanya ang carcel at sa akin ang presidio as overall chairman of council of elders at dito na nagsimula ang lahat ng kaguluhan sa paglaganap ng droga,” sabi ni Sebastian.

Si Pichay ay dating Surigao del Sur district representative, publisher ng isang tabloid at dating administrator ng Local Water Utilities Administration (LWUA), habang si Pacinos, ay asawa ng kapatid ng kongresista na si Merly.

Si Pichay ay akusado sa kasong graft dahil sa pagbili ng bankong palugi na mula sa pamilya ni Sen. Sherwin Gatchalian na Wellex Group gamit ang P800-M pondo ng LWUA.

Hindi idinetalye ni Sebastian sa Kongreso kung paano nagkaroon ng ugnayan sina Colangco, Pichay at Pacinos.

Ang Colangco Gang, ang robbery-holdup syndicate ni Ampang ay napaulat na konektado sa Kuratong Baleleng Gang.

Sa House probe ay inamin ni Sebastian na pareho sila ni Colangco na nag-ambag ng milyon-milyong piso sa campaign kitty ni De Lima mula illegal drugs trade sa NBP.

ni ROSE NOVENARIO

About Rose Novenario

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *