Thursday , March 28 2024

Binoe, LT, Boy Abunda, atbp, nagreak sa kaso ni Mark Anthony Fernandez

KABILANG sina Robin Padilla, Lorna Tolentino, Boy Abunda at iba pang mga prominenteng pangalan sa showbiz world ang nagbigay ng kanilang reaksiyon sa pagkakadakip kay Mark Anthony Fernandez dahil sa  nakuha umanong isang kilong marijuana sa kotse nito last October 3. Ngayon ay nakadetine ang dating miyembro ng grupong Gwapings sa Station 6 ng Angeles City Police.

Ayon sa FB post ni Binoe, “Purihin ang Panginoong Maylikha mahal kong Pamangkin ….. Nakahinga ako ng maluwag at naglulumuhod sa pasasalamat sa nag iisang Dios na makapangyarihan at ikaw ay buhay Mark.Hindi kami mapapatawad ng tatay mo kung may nangyaring masama sa iyo…sir Bato at sa Angeles city PNP tanggapin po ninyo ang malalim na pasasalamat at pagsaludo ng Padilla Family sa propesyonal at makatao na paghuli kay Mark Anthony Fernandez… Alhamdulillah”

Pinsang buo ni Robin ang namayapang ama ni Mark Anthony na dating action star na si Rudy Fernandez.

Sa ulat naman ni Mario Dumaual ng TV Patrol, ipinahayag ni Lorna Tolentino- madrasta ni Mark Anthony, ang pagkakadesmaya dahil posibleng may paglabag daw sa karapatang pantao ng aktor dahil walang abogado si Mark nang hingan ng pahayag. Pati na rin nang iprisinta si Mark Anthony sa isang presscon.

Ito rin ang paniniwala ng talent manager na si Lolit Solis na lumong-lumo sa kinasadlakan ni Mark. Naniniwala si Lolit na ginagamit ni Mark ang marijuana para sa kanyang medical condition na arthritis at anxiety, bunsod ng pagkamatay ng tatay nito mula sa cancer.

Pakiusap naman ni Ms. Marichu Maceda, “Mayroon dapat ibigay na konsiderasyon sa mga artista na ito. Magkamali lang minsan sisirain mo na ang career ng isang tao, kaunting respeto lang.”

Malungkot din ang host na si Boy Abunda. “Malungkot, Mark is very close to me. Inaanak ko si Mark e. Oo, I’d like to find out the story,” saad niya.

Ayon sa latest news sa usaping ito, nakadalaw na si Alma Moreno sa anak na si Mark Anthony, matapos ma-high blood dahil sa insidenteng ito.

Hindi ito ang unang insidente na nasangkot sa droga si Mark Anthony. Noong 2004 ay boluntaryong pumasok ang dating matinee idol sa Bicutan Rehabilitation Center.

ALAM MO NA! – Nonie V. Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *