Friday , March 29 2024

Sen. Miriam pumanaw na

KINOMPIRMA ni dating DILG Usec. Narciso “Jun” Santiago na pumanaw na ang kanyang asawang si dating Sen. Miriam Defensor-Santiago.

Ayon kay ginoong Santiago, nasa isang private room ang dating mambabatas nang bawian ng buhay.

Hindi muna nagsiwalat ng iba pang detalye ang pamilya dahil abala pa sila sa pagsasaayos ng labi ng senadora.

Ang mambabatas ay dati nang natukoy na may lung cancer.

Ipinanganak si Santiago noong Hunyo 15, 1945 sa Iloilo City, at panganay sa pitong magkakapatid.

Isang local judge ang ama niyang si Benjamin Defensor habang guro naman ang ina niyang si Dimpna Palma.

Bata pa si Sen. Miriam ay kinakitaan na ng katalinuhan at madalas siyang manalo sa mga school spelling bee at naging valedictorian.

Noong 1965 ay nagtapos si Santiago sa kursong Bachelor of Arts degree in political science bilang magna cum laude sa University of the Philippines-Visayas.

Nagpatuloy  siya sa pag-aaral sa University of the Philippines College of Law at itinanghal na kampeon sa ilang oratorical contests at debate.

Naging cum laude siya nang magtapos sa Bachelor of Laws UP-College of Law.

Taon 1995 nang maging senador si Miriam ay naging author nang halos lahat ng batas at panukalang batas sa kasaysayan ng bansa.

 ( NIÑO ACLAN )

DIGONG NAKIRAMAY SA PAMILYA SANTIAGO

093016-duterte-miriam

NAGPAABOT nang personal na pakikiramay si Pangulong Rodrigo Duterte sa naulilang pamilya ng “Iron Lady of Asia” na si dating Sen. Miriam Defensor-Santiago.

Kahit sa pagpanaw ni Santiago ay hindi nagbago ang paggalang at pagtingala ni Pangulong Duterte sa Senadora.

Sa pahayag ng Pangulo habang nasa official visit sa Vietnam, sinabi niya na nag-iwan nang maningning na karera sa serbisyo publiko ang dating mambabatas.

Mananatili aniya ang kanyang pagkakakilala kay Santiago bilang graftbuster ng bansa na ginagawang almusal ang mga banta sa buhay dahil sa paglaban sa katiwalian.

Nagpahayag nang matinding kalungkutan ang Pangulo sa pagpanaw ni Santiago ngunit umaasa siya na patuloy na maging gabay ng bansa ang iniwang pamana o legacy ng mambabatas.

Magugunitang sinabi ni Duterte kay Santiago sa huling presidential debate sa Dagupan City noong Abril 24 ang mga katagang “you will live for a thousand years”.

( ROSE NOVENARIO )

About Niño Aclan

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *