Friday , March 29 2024

Max kinompirma, si Jake ang ama ng anak ni Andi

FINALLY si Jake Ejercito ang tunay na ama ni Ellie, anak ni Andi Eigenmann at hindi si Albie Casino tulad ng paulit-ulit na sinasabi ng aktres noon hanggang sa hindi na ito napag-uusapan ngayon.

Ilang beses ipinagdiinan noon ni Andi na si Albie ang ama ng anak, pero mariin naman itong itinantanggi ng aktor at wala raw siyang nararamdamang lukso ng dugo.

Hanggang sa nakatsikahan namin ang non-showbiz friends ni Jake at kaswal na sinabing ang anak nina Manila Mayor Joseph Ejercito Estrada at dating aktres na si Laarni Enriquez ang tunay na ama ni Ellie.

Dalawang taon na ang nakararaan noong isinulat namin ang isyung ito, pero hindi ito pinansin nina Andi at Jake at bagkus ay kung ano-anong isyu nilang dalawa ang pinagpo-post para ma-divert doon ang attention ng media.

Sa tuwing makakausap naman namin ang kuya Gabby Eigenmann ni Andi tungkol sa tunay na ama ni Ellie ay hindi rin niya sinasagot, sabi lang ng aktor, “it doesn’t matter who the real dad is, ang importante, lumalaking maayos ang pamangkin ko at masayahing bata.”

Pero sa panayam ng half-sister ni Andi na si Max Eigenmann kay Mo Twister sa Good Times with Mo podcast noong Huwebes, Setyembre 23 ay nabanggit nito na si Jake ang tunay na ama ng pamangkin niya.

Natanong kasi ni Mo si Max kung kumusta na ang relasyon ngayon nina Jake at Andi pagkatapos nilang magtalakan sa social media.

Nagulat si Mo sa sagot ni Max.

“It doesn’t bother me, whatever. They’re always like that. You know he (Jake) is the father of my niece, right?”

Hirit ni Mo na hindi naman si Jake ang biological dad ni Ellie.

Pero kinompirma na ito ni Max na si Jake nga, “No, he is. They did a test. Yeah, he’s the dad.”

Nabanggit pa na kaya madalas hinihiram at dinadalaw ni Jake si Ellie para iparamdam na hindi siya nagkukulang bilang ama ng anak.

“That’s why he always posts photos of my niece,” sabi pa ni Max.

Sabay post din ni Mo ng live streaming podcast ng huntahan nila ni Max sa Youtube.

Parang itinadhana ang papel ni Andi sa seryeng The Greatest Love dahil anak siyang naghahanap sa kalinga ng ama kaya may isyu sila ng nanay Gloria niyang si Sylvia Sanchez.

FACT SHEET – Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *