Friday , March 29 2024

81-anyos lola, 2 paslit, 3 pa utas sa sunog

ANIM katao ang patay makaraan tupukin ng apoy ang isang bahay sa Marikina City nitong Biyernes ng madaling-araw.

Itinaas ng mga bombero ang unang alarma dakong 2:30 am makaraan iulat na nasusunog ang bahay na inuupahan ng Gatchalian-San Juan at Alvarado families sa Brgy. San Roque.

Bagama’t mabilis naapula ng mga bombero ang apoy makaraan ang walong minuto sa kanilang pagdating, anim miyembro ng pamilya ang hindi agad nakalabas ng bahay.

Kinilala ang mga biktimang si Gabriela Gatchalian, 81; ang kanyang mga anak na sina Justine at Bryan San Juan; mister ni Justine na si Allan Alvarado; at kanilang mga anak na sina Samantha, 1, at Savanna Alvarado, 4-anyos.

Idineklara ng mga bombero na fire-out ang sunog dakong 3:09 am.

Ayon kay Supt. Crispo Diaz, assistant regional director for operation ng Bureau of Fire Protection, ang nag-short circuit na electric fan ang hinihinalang sanhi ng sunog.

Mabilis na kumalat ang apoy dahil maraming combustible materials sa loob ng bahay.

Ang mga residente ay na-suffocate kaya hindi na nagawang makalabas ng bahay.

Ang katawan ni Savanna na natagpuan sa hagdanan, ang pinakanatupok sa apoy. Ayon sa mga awtoridad, posibleng nagising ang bata nang sumiklab ang sunog.

Ang nakatatandang Gatchalian na natagpuan sa unang palapag, ay natupok din ang katawan.

Ang katawan nina Justine at Allan ay natagpuan sa banyo sa second floor, habang ang bangkay nina Bryan at Samantha ay natagpuan din sa nasabing palapag.

Tinatayang umabot sa P50,000 ang halaga ng natupok na structural materials, hindi pa kabilang ang presyo ng mga kagamitan ng pamilya.

( ED MORENO )

About Ed Moreno

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *