Friday , March 29 2024

Mark at Ken, bagsak na bilang Matteo Do

SOBRANG nae-enjoy ni Jennylyn Mercado ang bago niyang Kapuso show dahil naging malapit na rin siya sa celebrity contestants nito. Balita namin lagi raw excited si Jennylyn tuwing may taping at apektado naman kapag may nagpapaalam sa contestants.

“‘Pag may isang nawawala, nalulungkot din ‘yung iba kasi sanay na sila na kasama palagi ‘yung contestants,” kuwento ni Jen nang nakatsikahan namin sa kanyang album launching na Ultimate under Ivory Records.

Sey ni Jen, medyo naisantabi niya talaga ang recording for the past two years dahil sa rami ng kanyang commitments.

“Nag-focus po ako sa pelikula, sa soap, puro ganoon po muna. Tapos noong natapos na, after niyong ‘Just The Three of Us’, habang wala pang susunod na project, sabi ko, roon (sa music) na lang muna ako magpo-focus,” bulalas ng Ultimate Star.

Ang album ay naglalaman ng seven tracks at ang pinakapaborito raw niya ay ang carrier single na Hagdan at pinaka-nakare-relate siya.

“Kasi very inspirational siya. Nandoon sa lyrics, parang ang daming hindi naniwala, ‘yung ganyan, pero ginawa mo lahat para matupad ang gusto mong abutin sa buhay, hindi forever nasa baba ka, bilog ang mundo, ganyan,” sey ni Jen.

Anyway, naibalita rin ni Jen na may napili na palang leading man para sa serye niyang My Love From The Star. Pero, wala raw siya sa posisyon na magsabi ng iba pang detalye kahit kinulit-kulit siya talaga ng entertainment press kung ano ang hitsura, mahusay bang umarte, guwapo ba, saan galing, may pangalan pa at kung-ano pang tanong.

Basta ang clue lang ni Jen, hindi raw ito artista at napili ito sa audition na isinagawa ng network.

“Basta moreno po s’ya, ayoko nang magsalita, basta tingnan na lang n’yo, kasi baka ilalabas na rin siya soon,” sambit pa niya.

So, bagsak na sina Mark Neumann, Ken Chan na unang nababanggit na kapareha ni Jen.

Anyway, kasama rin sa pitong awiting nakapaloob sa Ultimate album ang Suddenly (with Christian Bautista), Bulalakaw (with Silent Sanctuary), Nakaw-Tingin, Huling Paalam, Lampara, at Magkaibang Mundo.

Mapapanood sa  September 23, 6:00 p.m., si Jen sa Trinoma Activity Center with special Guests, Sarkie Sarangay of Silent Sanctuary and Zack & Frits.

TALBOG – Roldan Castro

About Roldan Castro

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *