Wednesday , October 17 2018
Breaking News
You are here: Home / News / Cameraman huli sa shabu
Cameraman huli sa shabu

Cameraman huli sa shabu

NAARESTO ng mga operatiba ng Quezon City Police District (QCPD) ang dating assistant cameraman ng isang television network makaraan makompiskahan ng shabu na nagkakahalaga ng P70,000 sa checkpoint habang ipinatutupad ang Oplan Sita sa Proj. 6, ng nasabing lungsod.

Sa ulat kay QCPD District Director, Sr. Supt. Guillermo Lorenzo Eleazar, kinasuhan ng paglabag sa Section 5 ng RA 9165 (Transporting illegal drugs) si Dennis Ofilada, 38, residente ng 5 Greenfield St., Gloria 2 Subdivision, Tandang Sora, Quezon City.

Sa imbestigasyon ng QCPD Masambong Police Station 2, ipinatutupad nila ang Oplan Sita sa Mindanao Avenue, Proj. 6, kaya pinatabi ng mga operatiba ang motorsiklong sinasakyan ni Ofilada at kasama niyang driver dahil walang suot na helmet.

READ MORE:  11-anyos pamangkin biniyak ni uncle

Pero kahinahinala ang ikinikilos ni Ofilada, kinapkapan siya kaya natuklasan ang dala niyang pitong sachet ng shabu na may timbang na 35 gramo. Bukod dito, nakuha rin ang expired niyang ID sa TV network.

Nang mabuking, pinaharurot patakas ng kasama ni Ofilada ang motosiklo saka tumakas.

READ MORE:  Babaeng Russo huli sa Cocaine

( ALMAR DANGUILAN )

 

5 TIKLO SA SHABU

LIMA katao ang nakompiskahan ng sabu sa magkakahiwalay na lugar sa mga lungsod ng Parañaque at Muntinlupa.

Ayon sa ulat ni Parañaque City Police chief, Senior Supt. Jose Carumba, dakong 12:40 am, nagsagawa ng “Oplan Galugad” sa Balagtas St., Brgy. Don Galo ang mga tauhan ng Police Community Precinct (PCP-3) na nagresulta sa pagkakadakip kay

Kalvin Amaya, 27, ng 22 Regalado St., Brgy. Don Galo, nakompiskahan  ng isang pakete ng shabu.

Ang suspek na si Marites Anonuevo, alyas Tekya, 36, ng Manggahan Compound, Purok 7, Brgy. Moonwalk, ay nakompiskahan ng mga barangay tanod ng dalawang sachet ng shabu dakong 11:00 sa naturang lugar.

READ MORE:  P3.5-M isinauli ng honest driver sa Boracay

Samantala sa Muntinlupa City, dakong 4:30 am nang mahuli ng mga awtoridad ang tatlong mga suspek na sina  Alex Medina, 45; Francisco Rodolfo, 38, at Dexter Agbuya, 50, pawang ng Brgy. Cupang, Muntinlupa City, makaraan makompiskahan ng ilang pakete ng shabu sa 70 Garcip Compound  ng nabanggit na barangay.

( JAJA GARCIA )

COMMENTS

About Almar Danguilan

Scroll To Top
 

Copyright hatawtabloid.com | All Rights Reserved