Utak sa Davao bombing tukoy na

KINOMPIRMA ni PNP chief, Director General Ronald Dela Rosa, mayroon nang ideya ang pambansang pulisya kung sino ang mastermined sa pagsabog sa Davao na ikinamatay ng 14 biktima.

Sinabi ni Dela Rosa, bagama’t alam na nila ang pagkakilanlan ng suspek, hindi muna puwedeng isapubliko dahil nasa proseso pa ang PNP para sa case build-up.

Habang itinanggi ni Dela Rosa ang pagkakaugnay ni Talitay, Maguindanao Vice Mayor Abduwahab Sabal sa Davao blast.

Pahayag ni Dela Rosa, ang pagkakaaresto sa bise alkalde ay tungkol sa illegal drugs at illegal possession of firearms.

Sinabi ni Dela Rosa, ang lumalabas na mga balita tungkol sa vice mayor ay pawang espekulasyon.