Thursday , March 28 2024
rape

Celebrity doctor tinutugis ng NBI, PNP sa rape case

INATASAN ng korte ang National Bureau of Investigation (NBI) at Philippine National Police (PNP) na dakpin ang isang kilalang beauty surgeon ng kilalang mga celebrity dahil sa kinakaharap na kasong kriminal.

Sa ipinalabas na alias warrant of arrest ni Judge  Imelda Porte-Saulog ng Mandaluyong City RTC Branch 214, bukod sa NBI ay pinakikilos din ang Criminal Investigation and Detection Group (CIDG) ng PNP upang madakip si Dr. Joel Mendez, ang president at may-ari ng Mendez Medical Group, na nakabase sa SM Megamall sa Mandaluyong City.

Kabilang sa mga kaso laban kay Mendez na nakabimbin sa nasabing korte ay isang attempted rape at dalawang kasong panghahalay.

Sa rekord ng korte, naganap ang sinasabing panghahalay ni Dr Mendez sa isang 17-anyos estudyante ng kilalang unibersidad sa Lungsod ng Maynila, na naging endorser ng Mendez Medical Clinic.

Ayon sa complainant, dakong 7:30 hanggang 8:30 pm noong Setyembre 29, 2015 nang maganap ang panghahalay sa kanya ni Mendez.

Nasa loob aniya siya ng klinika at sumasailalim sa procedure nang pumasok si Dr Mendez, nilagyan siya ng rubbing cream sa buong katawan hanggang sa kanyang ari ngunit ipinasok ng respondent ang daliri sa kaselanan  ng biktima

Naghubad din aniya ng kasuotan ang naturang doctor saka siya pinatungan na tumigil lamang nang siya ay sumigaw sa loob ng klinika.

Ayon sa complainant, siya  ay kinuhang endorser  ni Dr. Mendez  at isa sa mga pribilehiyo niya bilang endorser ay isang-taon na libreng serbisyo para sa pagpapaganda.

Nagtakda ng tig-P120,000 piyansa ang korte para sa kasong attempted rape at dalawang kasong panghahalay o kabuuang P360,000.

( LEONARD BASILIO )

About Leonard Basilio

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *