Friday , March 29 2024

‘Porno king’ swak sa 69 kaso ng abuso (Australian pedophile)

091116_front

INIREKOMENDA ng DoJ na sampahan ng 69 kasong kriminal ang hinihinalang Australian pedophile, binansagang “porno king” at nasa likod ng kontrobersiyal na “Destruction of Daisy” sex and physical abuse videos.

Ang suspek na si Peter Gerard Scully ay nadakip ng NBI-Anti Human Trafficking Division sa kasong pagmolestiya sa mga bata kabilang ang walong buwan gulang sanggol.

Sa 151-pahinang resolusyon na isinulat ni Assistant State Prosecutor Jinky Dedumo, si Scully ay pinakakasuhan ng mga sumusunod na paglabag:

Walong bilang ng kasong qualified trafficking in persons; siyam na bilang ng kasong child abuse; limang bilang ng kasong indecent show, obscene exhibition and publications; limang bilang ng kasong syndicated child pornography; 25 bilang ng photo and video voyeurism; anim bilang ng kasong rape by sexual assault; at dalawang bilang ng kasong rape by sexual intercourse.

Samantala, ang reklamong murder laban kay Scully na may kinalaman sa pagkamatay ng dalawa sa kanyang mga biktima na itinago sa alyas na Barbie at Cindy, ay ibinasura dahil isinama na ito sa kasong qualified trafficking.

Habang ang dating live-in partner ni Scully na si Liezyl Margallo ay pinasasampahan ng patong-patong na kaso ng qualified trafficking, child abuse, indecent shows, syndicated child pornography, photo and video voyeurism, at rape by sexual assault.

Kasama rin sa pinakakasuhan nang kaparehong paglabag ang lima pang respondent na sina Christian Rouche, Alexander Lao, Haniel Caetano de Oliveira, Marshall Ruskin at Ma. Dorothea Chia.

Nadakip si Scully ng ahente ng NBI sa kanyang bahay sa Malaybalay, Bukidnon

Si Scully ay nauna nang nadakip ng NBI noong nakalipas na taon sa Malaybalay, Bukidnon sa bisa ng anim warrant of arrest na inisyu ng Cagayan de Oro RTC.

Sinasabing isa sa mga biktima ng dayuhan ay namatay dahil sa matinding pahirap, katunayan mayroong kalansay na natagpuan sa tinutuluyan ni Scully sa Surigao City.

Matinding pahirap ang dinanas ng mga batang minolestiya ni Scully dahil sila ay sinasaktan.

Ilan sa mga pang-aabuso ay na-upload sa isang porn website.

ni LEONARD BASILIO

About Leonard Basilio

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *