Friday , March 29 2024

PAC 801 hybrid rice: Panlaban ng mga magsasaka sa papalit-palit na klima

Sinusubukan ng isang magsasaka ang PAC 801 Hybrid Rice sa kauna-unahang beses, masayang umaasa na de kalidad ang makukuha niyang butil ng bigas mula rito.

PABAGO-BAGONG klima at ang nakababahalang global warming—nangyayari na ito saanman sa mundo. Dahil dito, nagkakaroon ng napakalalakas na bagyo at nakatatakot na tagtuyot. Sa isang bansang may tropikal na klima gaya ng Filipinas, ang ganitong mga hindi inaasahang pagbabago sa panahon ay nakasasama sa agrikultura, partikular na sa produksyon ng bigas.

Kamakailan, kinalaban ng mga magsasaka ang El Niño, na nagdala ng tagtuyot at pagkasira ng lupa, kaya naapektohan at bumaba ang produksyon ng bigas.

Ayon sa Philippine Atmospheric, Geophysical and Astronomical Services Administration (PAGASA), magiging normal na ang kondisyon ng panahon pagtuntong ng Hulyo. Gayonpaman, dahil sa global warming at climate change, kailangan maging handa ng mga magsasaka sa mga pagbabagong maaari pa nitong harapin.

Dahil naapektohan ng tagtuyot ang produksiyon ng palay, nangangailangan ang mga magsasaka ng isang “hybrid rice seed” na may kakayahang tumubo, tag-ulan man o tagtuyot. Nakita ng Taipan Brand Farm, Inc. (TBFI) ang pangangailangang ito, kaya’t inilabas nila ang PAC 801 (NSIC MESTIZO 60), isang hybrid rice seed mula sa Advanta Seed International (ASI).

Inilunsad at ipinakilala ang hybrid rice seed sa iba’t ibang probinsya sa Filipinas, bilang katuparan sa pangako ng TBFI at ASI na pagbibigay ng de-kalidad na produktong agrikultural sa Filipinas.

Mula Mayo hanggang Hunyo, ipinakilala ang butil na sa mga magsasaka sa Luzon—Occidental Mindoro, Bicol, Nueva Viscaya, Isabela, Pangasinan, Bulacan at Nueva Ecija; sa Visayas—Leyte at Iloilo; at sa Mindanao—Lanao del Norte, Agusan del Sur at North Cotabato.

Sa paglulunsad, iprinesinta ng TBFI ang mabuting dulot ng pagpili sa PAC 801 Hybrid Rice: kakayahang tumubo ano man ang panahon, maraming ani, at magandang kalidad.

“Ang PAC 801 Hybrid Rice ay maaaring tumubo tag—ulan man, tag-araw, pati tagtuyot. Pabago-bago man ang klima, kayang-kayang tumubo ng butil na ito,” ani Tim Bontoyan, General Manager ng TBFI.

Kayang umani ng 220 kaban bawat ektarya ng PAC 801, patunay na ito ay isang produktibong butil para sa mga magsasaka saan man sa bansa.

Sa kalidad, may haba na 7.33 millimeters ang butil ng bigas ng PAC 801. Mas kaunti ang starch ng mahahabang butil ng bigas, kaya’t mas mainam ang sinaing nito.

Tinuruan rin ang mga magsasaka kung paano ang tamang pagtatanim ng PAC 801 Hybrid Rice. Ibinahagi sa kanila ang tamang pangangalaga ng butil, paglaban sa mga peste, at tamang fertilization at pag-ani.

Kilala ang Taipan Brand Farm Inc. sa mga de kalidad na produktong agrikultural.

 

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *