Saturday , October 20 2018
Breaking News
You are here: Home / Opinion / Bentahan ng botcha sa Malabon City

Bentahan ng botcha sa Malabon City

DAPAT nang kumilos ang city health officer sa Malabon tungkol sa kumakalat na bentahan ng botcha sa nasabing lungsod.

Sa nakalap nating impormasyon, isang nagngangalang ‘Deng’ ang sinasabing supplier ng ‘botcha’ sa Malabon na naka-base sa Barangay Concepcion.

Ang  botcha ay isang uri ng hot meat na hindi unfit  for human consumption o hindi na dapat  kinakain ng mga tao dahil ito ay ‘di na fresh at maaaring contaminated na ng bacteria.

Dahil napakamura na halos kalahati lang ang presyo kompara sa fresh meat na nabibili sa mga palengke, ang botcha ni ‘Deng’ ay mabiling-mabili raw.

Pero dapat  malaman ng mga tumatangkilik na taga-Malabon na delikado ang botcha sa kalusugan ng mga nakakakain nito.

READ MORE:  Dapat pa bang ipasa ang BBL?

Sa ating pagkakaalam, ang botcha, lalo na yaong ‘frozen’ meat ay karaniwang nanggagaling sa Bureau of Customs.

Ito ay mga hot meat na iniismagel mula sa ibang bansa na ang kalidad ay kuwestiyonable kaya kinokompiska.

Matapos ang ilang buwan o taon sa storage ng Bureau of Customs, ang nakompiskang kahon-kahon na botcha ay pinao-auction sa mga kompanya o sa negosyanteng gumagawa ng  feeds.

Ang  hot meat na botcha kaysa itapon ay ginagawang pagkain para sa mga alagang baboy at manok sa hog at poultry industry ng feeds manufacturer.

READ MORE:  Epal TV pol ads piesta na naman!

Ang babala natin sa mga taga-Malabon City, delikadong kumain ng botcha dahil hindi ito dumaan sa proper meat inspection mula sa National Meat Inspection Service.

Kung totoong kalat na ang bentahan ng baboy na botcha sa Malabon, ang tanong ay bakit hindi kumikilos ang local health department?

O ayan na ang info, NIMS Beata Obsioma.

Anyway, ang botcha ay hindi lamang ibinebenta sa Malabon. Kalat din ito sa iba’t ibang pamilihan sa Metro Manila.

PAIHI SA SAN JOSE, BATANGAS

NABALITAAN natin na ni-raid ng San Jose, Batangas police sa pamumuno ng kanilang chief of police na si Chief Insp. Ferdinand Ancheta ang operasyon ng paihi sa naturang bayan kamakailan.

READ MORE:  Ret. Gen. Danilo Lim, todo-serbisyo sa bayan

Sa raid, tatlo-katao kabilang ang truck driver ng JJV transport na si Raul Dizon, Edwin Diego at Dante Hidalgo ang inaresto nang sila ay maaktohang binuburiki ang laman ng tanker na may plate no. CZD-246.

Ang paihi ay isang termino na may kaugnayan sa pagpapatulo ng petroleum, gasolina at krudo. Isa itong kaso ng theft.

Sa pagkakaalam natin, ang paihi ni kapitan ay matagal na at common knowledge sa bayan ng San Jose, Batangas.

E-mail address: mario_lcl @ yahoo. com.

CRIMEBUSTER – Mario Alcala

COMMENTS

About Mario Alcala

Scroll To Top
 

Copyright hatawtabloid.com | All Rights Reserved