Tuesday , November 20 2018
Breaking News
You are here: Home / Sports / Little maliit lang ang kontribusyon kaya pinauwi
Little maliit lang ang kontribusyon kaya pinauwi

Little maliit lang ang kontribusyon kaya pinauwi

APAT na panalo sa sindaming laro. Sa kabila nito ay nagpalit pa rin ng import ang TNT Katropa at pinauwi si Mario Little!

Saan ka nakakita ng ganun? Hindi ba nakagigimbal?

Yung mga ibang teams nga ay napagtatalo at nahihirapang makaangat sa standings pero hindi pa rin nagpapalit ng import.

Pero ibang klase ang Tropang Texters!  Desidido talaga silang mamayagpag sa Governors Cup. Sa tingin kasi ni coach Joseph Uichico ay hindi madadala ni Little hanggang sa Finals ang TNT Katropa. Baka hanggang simula lang ang import na ito at tumukod sa dakong huli kapag dikdikan na talaga!

READ MORE:  La Salle sisimulan ang pagdepensa ng korona

Kasi nga, si Little ang siyang may pinakamababang scoring average sa sampung imports na naglalaro sa torneo. Hindi rin siya overpowering bilang rebounder.

Pero nanalo nga ang TNT Katropa sa unang apat na laro, hindi ba?

Ang mga tagumpay na ito ay dahil sa mga locals. E, apat na beses naparangalan bilang Player of the Game si Jayson Castro. Aba’ý halos triple double ang mga numero nito.  Maliit na di hamak si Castro kaysa kay Little pero nadodomina niya ang laro.

At kung doon nga titignan ang sitwasyon, siguradong tama ang sapantaha ni Uichico at ng coaching staff ng TNT Katropa.

READ MORE:  UE magbabagong-bihis sa UAAP

Kaya kinuha ng Tropang Texters si Mychal Ammons na nag-debut sa laro kontra Blackwater Elite noong Saado.

Well, sa umpisa ng larong iyon ay hindi nalayuan ng  Tropang Texters ang Elite. Lamang pa nga ang Blackwater sa halftime.

Pero ito ay bunga ng pangyayaring nag-aadjust pa si Ammons at hindi muna pinaglaro si Castro na may dinaramdam.

Pero sa second half ay ipinasok na si Catsro at naging maganda na ang laro ni Ammons, Kaya tuluyang dinurog ng TNT Katropa ang Blackwater, 109-89 upang manatiling malinis ang record na 5-0. Nagsosolo na ngayon sa itaas ng standings ang Tropang Texters matapos na matalo ang Mahindra sa Phoenix noong Biyernes.

READ MORE:  Compton: Handa kami sa giyera sa Game 6

At hindi naman nagsisisi si Uichico sa pagpapalit na ginawa. Kasi nakikita niyang may magandang future si Ammons na gumawa ng 16 puntos at humugot ng 18 rebounds laban sa Elite.

Sana nga ay hindi talaga magsisi ang TNT Katropa dahil sa pinauwi nila si Little.

SPORTS SHOCKED – Sabrina Pascua

COMMENTS

About Sabrina Pascua

Scroll To Top
 

Copyright hatawtabloid.com | All Rights Reserved