Friday , March 29 2024
Jadine

Sino nga ba ang mas sikat kina James at Nadine?

MALAKAS man ang ulan, walang pakialam ang fans nina James Reid at Nadine Lustre na sumugod sa music hall ng isang mall sa Pasay, nang i-launch sila bilang pinakabagong endorsers ng Bench. Ang sabi nga nila, mukhang launching din iyon ng monopoly ng Bench sa mga sikat na love teams, dahil nasa kanila rin iyong AlDub at iyong KathMiel. Eh sino pa nga ba ang makukuha niyong iba?

Noong umaanggi na dahil sa open naman iyong music hall na iyon, nakapayong ang mga tao pero hindi sila natinag sa kanilang puwesto. Hindi sila umalis sa kanilang kinatatayuan kahit mabasa pa sila.

Pero iba ang kuwentuhan namin eh. Kasi roon sa audience na iyon, na incidentally sa tingin namin ay siyang pinakamalaki sa lahat ng kanilang launching dahil mas malaki nga ang venue na iyon kaysa iba nilang ginagamit, nakita rin kung sino ang mas maraming fans kina James at Nadine. Sikat sila as a love team, pero makikita mo noong nag-perform na sila ng solo numbers kung sino ang mas sikat. Makikita mo kasi mas malakas na ‘di hamak ang tilian at palakpakan eh. Iyon ngang isang nakita namin halos himatayin na eh, pero noong dumating iyon bago nagsimula ang launching sosyal na sosyal ang ayos.

Mayroong nakuha iyong masa at iyong fans na medyo upscale. Iyong isa sa masa lang. Pero huwag na ninyo kaming pilitin na sabihin pa kung sino ang mas sikat, tutal sila naman ang magka-love team. Sinasabi lang namin na mayroon kaming ganoong observation.

Palagay namin, hindi rin naman iyan matitigil sa kanilang EveryDay wear. May nagbulong sa amin na mukha raw magkakaroon din sila ng sarili nilang cologne line. Pero plano pa lang iyon.

Sa nakita rin naming following niyong Jadine, wala kaming dudang magpapatuloy pa rin sila sa magandang ratings sa telebisyon at kita ng pelikula. Iyang mga ginagawa nilang launching na ganyan ang nakapagbibigay sa atin ng instant feedback para sukatin ang popularidad ng mga artista. Kung hindi sikat iyan walang tao roon, lalo na at ganoong malakas ang ulan? Marami na rin kaming nakitang launching na kakaunti ang tao.

HATAWAN – Ed de Leon

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *