Thursday , March 28 2024

Rock the boat ‘Rocky’

ANG alam natin ay ipinagbawal na ang bidding o ang pataasan ng ‘tara’ sa mga tagahawak ng intelihensiya sa buong Metro Manila.

Ang malungkot, hindi pala nasusunod ang bilin ng regional director ng PNP-NCRPO. May mga pasaway na enkargado de pitsa.

Sa nakalap nating impormasyon, muli palang naibalik sa kamay ni Rocky ang kabuuang nakakalap na weekly intelehensiya sa buong SPD o sa area ng south of Manila. Kaya lagi na namang umaapaw sa pitsa ang bulsa ni Rocky na minsan ay muntik na raw madapa sa bakuran ng SPDO sa kabibilang ng mga dumating na ‘padulas’ mula sa mga nagpapalaro ng jueteng, bookies ng EZ-2, lotteng at sakla de terembe.

For your eyes only S/Supt. Tomas Apolinario.

PASAWAY NA PULIS

ISANG grupo ng pulis-Parañaque ang madalas daw na nakaistambay sa Baclaran at madalas na kausap ang ilang Muslim vendors na pakador sa droga.

Naku po!!! Umiwas na kayo Akbang, Perez, Ramirez at  Kaise sa area ng Baclaran.

Matatandaan na iniutos ni pangulong Rodrigo Duterte kay PNP chief Ronald “Bato’ dela Rosa na ipahuhuli niya ang pulis na sangkot sa illegal activities.

MARTIAL LAW?

HINDI biro ang binitawang salita ni president Rodrigo “Digong” Duterte na mapipilitan siyang magdeklara ng martial law kung ipagpapatuloy ni Supreme Court chief justice Sereno ang pakikialam sa pakikibaka ng gobyerno sa kampanya sa ilegal na droga.

Gigil na gigil pa ang pangulo nang ihayag niya sa harapan ng mga sundalo ang katagang martial law.

Sa tingin namin, hindi nagkaintindihan ang pangulo at ang Supreme Court chief justice tungkol sa kampanya ng pamahalan sa ilegal na droga.

SINA LANDO BULAG AT REYES
ANG PAKADOR NG 1602 SA CAVITE

IPINAGYAYABANG ni Lando, alias “Bulag” na amo niya ang bagong bagman ng mga intelehensiya sa Cavite.

Kay Reyes, alias “Troy” rin daw ini-entrega o inire-remit ni Lando ang lahat ng intelihensiya na nakukuha niya sa mga gambling lord sa buong lalawigan ng Cavite.

Ang ginagamit daw ng mag-amo para pumasok sa kanila ang mga ‘padulas’ na intelihensiya ay police provincial office ng Cavite-PNP na ang headquarters ay nasa Imus, Cavite.

Alam kaya iyan ng PD ng Cavite?

Sa lalawigan ng Cavite, magmula sa upper at lower land ng Cavite ay hindi maikakaila na largado ang iba’t ibang uri ng pasugal lupa, ang jueteng, lotteng, VK, sakla at EZ-2.

Si Eilleen ang mas nakakaalam.

E-mail address: mario_lcl @ yahoo. com.

CRIMEBUSTER – Mario Alcala

About Mario Alcala

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *