Thursday , March 28 2024

Ai Ai delas Alas, pinuri ang galing sa pelikulang Area

00 Alam mo na NoniePATULOY ang naririnig kong mga papuri para kay Ai Ai delas Alas sa kakaibang husay na ipinamalas nito sa pelikulang Area. Noong una ay sa director nilang si Louie Ignacio, tapos ay sa co-actress naman niyang si Sue Prado ang nagbida sa husay rito ni Ai Ai..

Ngayon naman ay ang lady boss ng BG Productions International na si Ms. Baby Go at award winning actor na si Allen Dizon ang nagpahayag ng papuri kay Ai Ai. Ayon sa dalawa, todo-bigay si Ai Ai sa proyektong ito na kahit ma-deglamorize ay wala siyang paki dahil ang focus niya ay ang mapaganda ang kanilang pelikula.

“Magaling si Ai Ai sa movie naming Area. Iba siya rito, kumbaga ay pinatunayan niyang artista talaga siya.

“Kaya siyempre si Ai Ai, gusto ko ulit gumawa siya ng pelikula sa BG Productions. Kasi ang gaan niyang katrabaho, wala siyang kiyeme at professional talaga. Dito sa Area, talagang nagdrama si Ai Ai, hindi siya komedyante rito. Aktres talaga siya at ang galing niya. Kung ano ang ipagawa sa kanya ni Direk Louie, talagang game siya para sa ikagaganda ng aming pelikula.

“Kaya nga naniniwala ako talaga, hindi ako magugulat kung mananalo si Ai Ai ng award dito. Actually, ngayon pa lang ay may imbitasyon na ang Area para sa dalawang filmfest sa abroad at may tsansa talaga rito si Ai Ai,” saad ni Ms. Baby.

Saludo rin si Allen sa kakaibang performance sa pelikulang ito ng Kapuso comedienne.

“Wala akong masabi kay Ms. Ai dahil napaka-professional niya, ginawa niya yung Area, nag-pasexy siya, nagpakita siya ng lahat na dapat niyang ipakita. Ang acting niya rito ibang-iba siya, di mo siya makikitang comedian dito, di mo siya makikitang si Ai Ai, ibang-iba.

“Si Hillary (character ni Ai Ai sa pelikula) yung makikita mo rito at hindi si Ai Ai delas Alas na artista. Dito sa Area ay nabura ang pagiging komedyante ni Ai Ai, nag-drama siya rito at ang mapapanood sa kanya rito ay yung Ai Ai na aktres. Kaya sana ay marami itong festivals na mapasukan, sana makapasok sa maraming festivals sa abroad. Of course, sa Pilipinas rin,” wika naman ni Allen.

Ang pelikulang Area ay ukol sa isang lugar sa Angeles City na tinatawag na Area na may mga prostitute sa murang halaga. Gumaganap sina Allen at Ai Ai rito bilang maintainer at bugaw ng mga kasa sa naturang lugar.

Bukod kina Ai Ai, Allen at Sue, ang Area ay tinatampukan din nina Sancho delas Alas, Rajah Montero, Sarah Pagcaliwagan Brakensiek, at iba pa.

ALAM MO NA! – Nonie V. Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *