SA interview ni Judy Ann Santos sa Pep.ph ay sinabi niya na naiintindihan niya ang mensaheng nais iparating ni Maine Mendoza sa blog post nitong That’s how it work, bilang matagal na rin siya sa industriya.
Sa naturang blog ay inihayag ni Maine ang kanyang saloobin tungkol sa pagpapasaya sa ibang tao na hindi raw niya babaguhin ang sarili at pagkatao para lang i-please o mapasaya ang mga ito.
“With Maine, I totally understand where she’s coming from, kasi hindi naman talaga siya nanggaling sa pagiging artista, ‘di ba? Biglaan lahat ito sa kanya so, nakaka-overwhelm ang buhos ng atensiyon sa kanya and everybody is expecting so much from her,” sabi ni Juday.
Patuloy niya, ”Tama naman sa sinabi niya na, ‘Ako ito. Tanggapin niyo ako kung sino ako.’ Huwag nating baguhin ang bata. ‘Yun siya. Kasi ‘pag binago natin ang isang tao, magiging malungkot siya. Kumbaga, huwag natin siyang angkinin. We don’t own her. Maine doesn’t owe anything from anybody,” aniya pa.
MA at PA – Rommel Placente