Thursday , March 28 2024

Alden, dapat nang tawaging Hari ng Takilya

NANG humarap si Alden Richards sa press noong isang araw, hindi na siya humihingi ng tulong para sa kanyang mga proyekto. Nagpapasalamat na siya dahil sa naging tagumpay ng lahat ng mga proyektong sunod-sunod niyang ginawa.

Una nga iyong kanyang plaka ay masusundan na pala ng bago, eh bakit nga ba hindi mo pa susundan agad eh iyong nauna niyang CD ay umabot na sa seven times platinum. Iyong iba nga maka-gold lang naghihingalo na, si Alden umabot na sa seven times platinum at bumebenta pa.

Iyong kanyang mga ginawang concerts, lahat naman naging hits lalo na nga iyong mga ginawa niya sa abroad.

Ngayon, ewan pa kung sino ang aangal basta sinabing si Alden na nga ang dapat na ideklarang box office king, dahil sa laki ng box office returns ng pelikula nila ni Maine Mendoza. Isipin ninyo, ipinalabas iyon sa 235 sinehan sa buong Pilipinas sa unang linggo, at lahat ng mga sinehang iyon ay puno ang lahat ng screening. Noong second week, ilang sinehan lang ang nabawas, at nakikipaglaban pa rin iyon sa kita kahit na ng mga foreign films na kasisimula pa lamang ipalabas.

Ngayon lang nangyari na may isang pelikulang Filipino na ipinalabas sa mahigit na 200 sinehan simultaneously, kaya sino ang aangal kung sabihing sa ngayon si Alden na nga ang undisputed box office king? Iyan ang dapat nang itawag kay Alden ngayon, Hari ng Takilya. Sinasabi rin nila na hindi nga rin malayo na sa pagtatapos ng local screening ng pelikula nina Alden at Maine ay masabing iyon ang highest grossing Filipino film of all time. Nang marinig namin ang kabuuang kita ng pelikula, lalo tuloy kaming naaawa sa mga indie film na nangangamote sa takilya.

Kung hindi pa napirata ng ilang mapagsamantalang bloggers ang pelikula nina Alden at Maine, aba mas malaki pa ang kinita niyan. Kaso napirata rin agad sila. Nagmamadali ang mga pirata, aba eh sila man tiba-tiba ang kinita sa pamimirata nila.

HATAWAN – Ed de Leon

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *