Friday , March 29 2024

Myrtle, nabalanse ang pag-aaral at pag-aartista

SUNOD-SUNOD ang tanong kay Miss Aileen Go, Vice President for Marketing ng Megasoft Hygienic Incorporated kung bakit hindi na si Maja Salvador ang endorser ng Sister’s Sanitary Napkins and Pantyliners.

Sa ginanap na launching ay si Myrtle Sarrosa na kasama ang Hotlegs Dancers ang bagong endorsers ng nasabing produkto.

Paliwanag ni Ms Aileen, “This year kasi, our objective is to encourage our students na ayusin nila ang education nila, siyempre para rin sa kanila ‘yun.

“Siyempre ‘tong little Sister (Myrtle) ko sobrang napakatalino, napaka-bait, at talented nasa kanya na lahat. For example ako ‘yung little sister niya, I would really like someone who is a celebrity whom I really looked up to.

“Sobrang natutuwa ako sa kanya (Myrtle) kasi she was able to balance her studies and work being a celebrity at hindi lang siya basta nag-aral, talagang running for cum-laude pa.

“Tapos may album pa siya ngayon, sobrang hanga ako kasi lahat ng songs niya, (8), siya ‘yung nagsulat, talagang sabi ko I really like someone like her as a sister na siya talaga ‘yung titingnan ng lahat ng kabataan ngayon.”

Magtatapos si Myrtle ng kursong Broadcast Communications bilang Cum Laude.

Ang advocacy ng Megasoft para sa 2016 na ‘Sister’s School Is Cool’ ay, “gusto po kasi namin ang mga kabataan ngayon na i-pursue nila ang mga pag-aaral nila kahit na sobrang may pinagdaraanan silang lovelife, financial at iba pa. Kaya tingin namin kay Myrtle ay Big Sister siya to all the students,” sabi ni Ms Aileen.

At kaya hindi na na-renew si Maja ay dahil hindi na pasok ang aktres sa kampanya, “’yung objective rin namin last year ay for the young professional kaya si Maja ‘yun. Sobrang thankful kami kay Maja dahil ‘yung sales namin ay talagang naabot, na-achieve natin ‘yung gusto nating mangyari.

“Kaya lang for this year kasi, we really opted to maximize the students naman, so naisip namin na dapat estudyante rin ang celebrity endorser.”

Say naman ni Myrtle para sa Sister’s School Is Cool campaign nila na talagang nagpupunta sila sa mga eskuwelahan sa iba’t ibang probinsiya.

“Gusto po talaga namin ng something meaningful at gusto naming ma-recognize ang mga student na nag-e-excel sa schools nila na kahit ang layo ng nilalakad nila from their house to school para lang makapag-aral.

“So, we really want to recognize their efforts pati rin ang mga teacher na nagsisikap talaga para maging bayani sa mga student natin.”

Naibahagi rin ng dalaga kung paano niya napagsabay ang pagiging artista at estudyante.

“’Yung experience ko talaga sa school and doing the same time ang showbiz, gusto ko talaga at the end of the day na mayroon ako talagang masasabi sa sarili ko na aside from doing showbiz, the things that I love, kaya ko ring i-manage ‘yung things sa school na alam ko namang in the near future ay magiging beneficial para sa akin at sa ibang tao.

“Iniisip kasi ng ibang tao na hindi natin kayang i-manage ang school, pati na rin ‘yung work. Gusto kong sabihin sa lahat na you could always manage at the same time if you really love what you are doing.

“Like a few months ago, ginagawa po namin ‘yung ‘Super D’ (fantaserye), nag-i-school po ako ng T-TH, so ‘yung klase ko from 7:00 a.m. to 7:00 p.m.. Wala po akong lunch break.

“Tapos pupunta ako sa taping ng MWF tapos ‘pag Saturdays and Sundays, doon namin ginagawa ‘yung recording ko for Ivory. So try ko po talaga na bawat second of everyday, you could always maximize it,” mahabang kuwento ng dalaga.

Kamakailan ay pumunta ng Mindanao sina Myrtle kasama ang Sister’s team para sa unang Sisters’ Choice Awards sa Norala High School sa South Cotobato at Gingoog City Comprehensive School sa Misamis Oriental. Ang mga nasabing paaralan ay nabigyan ng assistance bilang parte ng kampanya.

Kasama ang Hotlegs dancers na sina Nesh, Labb, Cath, at Alex sa ad campaign nila sa maraming lugar sa buong Pilipinas na may titulong I Love My Sisters na magpe-perform sila sa mga mall tulad sa SM Molina noong July 31, SM Dasma, Aug. 6, SM Baguio, Aug. 20 at SM Rosales Pangasinan, Aug. 21. Magiging parte rin ang I Love My Sisters Mall Concerts sa Kadayawan Festival na gaganapin naman sa Gaisano Grand Mall sa Davao sa Aug. 19.

Sa mga taga-Alabang, abangan ang Sisters’ Day na may temang We Are One, We Are Sisters sa Aug. 7 na gaganapin sa Starmall at kasama ni Myrtle sina Nash Aguas, Joaquin Reyes, John Bermundo, Brace Arquiza, at Grae Fernandez.

ni Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *