Friday , March 29 2024

Aljur, kinaiimbiyernahan ng ilang press

ANG Hermano Puli, starring Aljur Abrenica, ang magiging closing film sa darating na Cinemalaya Film Festival ngayong Agosto. May mga katoto kaya kami sa panulat na susugod sa Cultural Center of the Philippines (CCP) para panoorin ang historical film na idinirehe ng premyadong si Gil Portes kahit hindi sila imbitahin?

Actually, hindi kailangan ng tiket o imbitasyon para sa event na ‘yon. Tradisyon na sa Cinemalaya na free admission ang opening film at closing film ng festival. Hindi official entries ang opening and closing films, bagamat ina-assume na mataas ang kalidad ng parehong pelikula na walang subsidy buhat sa Cinemalaya.

Pero kaya namin itinatanong kung susugod doon ang mga katoto namin sa panulat kahit walang imbitasyon mula sa prodyuser ng pelikula (T-Rex Entertainment) ay dahil sa napuna naming marami palang katoto ang imbiyerna kay Aljur. Kung may imbitasyon kasi, ibig sabihin ay may mapapala silang “special consideration” sa panonood nila kahit na imbiyerna sila kay Aljur.

At kaya naman namin alam na marami kaming katoto sa panulat na ‘di natutuwa kay Aljur eh dahil sa mga reaction nila sa Facebook kaugnay ng posting ng isang katoto tungkol sa pagiging napakabait at napaka-generous na si Alden Richards na nagdaos ng thank-you party para sa press.

Sa mga “Comment” ng ilang kapwa reporter namin sa FB posting na ‘yon, may mga nagtanong kung manonood ‘yung FB writer ng Hermano Puli—gayung wala namang kinalaman ang pelikula ni Aljur sa posting nito. Pero  mukhang si Aljur ‘yung  pinasasaringan niyong FB writer na isang actor na parang kung-sino kung  umasta.

Sa isang press conference raw kasi ng actor na ‘yon, noong ‘di pa nagsisimula ang pormal na Question and Answer session, may itinanong ‘yung FB writer sa actor, at ang walang-pakundangang sagot umano ng aktor ay: “Puwedeng mamayang Q and A na lang ako sumagot para sabay-sabay na? Si Alden ay never na never umano na sumasagot ng ganoon sa kahit kaninong member ng press, diin ng FB writer.

Hindi sinagot ng FB writer ang mga tanong sa kanya ng mga katoto namin. Pero malamang nga na kung walang imbitasyon (na nangangahulugan ngang may “special consideration”), mabibilang lang sa mga daliri ng isang kamay ang miyembro ng showbiz press na susugod sa CCP para panoorin ang Hermano Puli  at Hele sa Hiwagang Hapis sa Agosto 13. Malamang ay mas maraming bloggers ang susugod doon.

Si Hermano Puli ay si Apolinario de la Cruz ng Lucban, Quezon na namuno ng isang samahan laban sa mga sakim na prayle at mga Kastila noong panahong hindi pa man isinisilang sina Jose Rizal, Andres Bonifacio, at Antonio Luna. Ipinapatay si Hermano Puli ng mga magkakakuntsabang ganid na prayle at sakim na opisyal ng Spanish administration sa Pilipinas.

KITANG-KITA KO – Danny Vibas

About Danny Vibas

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *