Friday , March 29 2024

Pakakasalang babae ni Dennis, nakita na

00 SHOWBIZ ms mAMINADO si Dennis Trillo na nailang siya sa kissing scene na kinunan agad sa kanilang first shooting day ni Anne Curtis para sa pelikulang Bakit Lahat ng Gwapo May Boyfriend ng Viva Films at Idea First Company.

“Medyo nailang pero hindi ko na lang ipinahalata. Kasi pangit naman kung pareho kaming (Anne) naiilang ang hitsura. So, kailangan, itago na lang muna ‘yung mga ilang-ilang na ‘yan. Para magawa nang maayos,” anang actor na nairaos naman daw ng maayos ang eksena at nagkakatawanan pa dahil nakatatawa ang sinasabing kissing scene na iyon.

“Kasi ‘yung eksena kanina, kailangan niyang umungol ng malakas habang naghahalikan kami. So, natatawa siya. And ‘yun, parang na-conscious yata siya, so pinagpawisan siya nang husto.

“And awkward nga naman, naghahalikan kayo tapos bigla kang uungol nang malakas, tapos maraming tao roon sa simbahan (St. Vincent Seminary Church), parang ganoon ‘yung eksena,” pagkukuwento ni Dennis.

Wedding rehearsal ang kinunan sa St.Vincent Seminary sa Tandang Sora kaya natanong din si Dennis kung in real life ba ay nakikita na niya ang sarili na ikakasal na.

“Naiisip din naman, napi-picture ko rin ‘yung sarili ko riyan sa mga eksenang ginagawa namin, tulad ng ganito, wedding scene, wedding rehearsals, pero hanggang doon lang. Para at least lang, may idea ako.

“Pero ‘yung gawin ko siya sa totoong buhay, parang hindi pa. Hindi pa siguro anytime soon. Hindi naman sa malayo pa. Pero bigla mo na lang kasing mararamdaman ‘yun. Siguro ngayon, hindi pa dahil focus pa ako sa work, sa kung ano-ano pang mga bagay, kaya hindi pa siguro,” saad pa ni Dennis na medyo nangingiti-ngiti.

Ani Dennis marrying type naman siya pero hindi siya naniniwala sa marrying age dahil wala naman sa edad kung gusto nang mag-asawa.

Natanong din si Dennis kung nakita na ba niya ang babaeng pakakasalan niya?

“Palagay ko,” giit ng actor. ”Ewan ko lang, ayoko ring magsalita ng tapos, pero masaya lang kami.”

Sexy ba siya?

“Dapat sexy siya. At saka magaling magluto,” ani Dennis na tila nasakyan agad ang gusto naming tumbukin.

Bukod sa sexy, may cooking show, at Best Actress ‘di ba, muling tanong ng grupo namin?

Natawa ang aktor at sinabing, ”oo, alam n’yo na, ‘yun na!”

Kaya naman malinaw pa sa sikat ng araw na ang tinutukoy namin ay si Jennylyn Mercado na rumored girlfriend niya. Hindi pa ba talaga nila napag-uusapan ang kasal?

“Wala, hindi pa, eh. Marami pa kaming kailangang asikasuhin sa buhay-buhay namin. Pero darating din ‘yun, hindi lang namin pinupuwersa, hindi lang namin minamadali.

“I think it would come naturally kung talagang akma na ‘yung panahon,”pagtatapos ng aktor.

SHOWBIZ KONEK – Maricris Valdez Nicasio

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *