Friday , March 29 2024

Mystica, napaiyak ang mga nanonood ng Barkong Papel

KAHIT paano ay ramdam pa rin ni Mystica ang epekto ng video na kanyang ginawa expressing her sentiments at sa kanyang disgusto sa tumatakbong president noon na si Rodrigo Duterte.

Nawalan siya ng raket. Ang iba ay ang producers ang kusang nagkansela at ;yung iba naman ay si Mystica na mismo ang nag-cancel due to security reason dahil nga nakatatanggap na siya ng death threats.

Gumawa naman agad ng apology video si Mystica at marahil, narakating ito kay Pangulong Duterte kaya sa ngayon, medyo humupa na ang isyu.

But just the same, damage has been done. Nawalan siya ng raket na sana ay titiba siya dahil kampanya nga.

Ngayon ay unti-unting bumabangon si Mystica at unti-unting sumisigla ang career. Nakatatanggap na ulit siya ng mga show. Mahal ni Mystica ang kanyang trabaho at ito ang kanyang ikinabubuhay.

At mayroon pa siyang nagawang indie film, ang Barkong Papel underSparkling Stars Production na nag-premiere sa Starmall, Las Pinas noong Sabado ng gabi.

Isa itong advocacy film tungkol sa pagkakaibigan, ang mithiin na makatapos ng pag-aaral at ang pagtupad sa pangarap sa buhay at ang pagtalakay tungkol sa OFW.

Si Mystica ay gumanap na nanay ni William Theo. Applauded ang akting ni Mystica sa death scene ni Theo habang nasa entablado at tumatanggap ng kanyang diploma. Revelation din dito ang indie actor at dating modelo na si JC Lazaro na napaka-fresh ang akting at magaling hindi lang sa drama kundi pati sa fight scene.

Kung mabibigyan lang sana ng break sa mainstream itong si JC, pupusta ako, hindi magsisisi ang kukuha sa kanya. Kasama rin dito ang magandang aktres na si Mara Alberto, ang magaling na character actor na si Junar Labrador, Anndrine Agbin, John Kenneth Caro, Lina Rowy, DJ Buddha, Zaito, Axel Fortuno, Clark Aquino, Chino  Sabile, Kiel Lloyd Isip at mga workshopper ng Sparkling Stars Production sa direksiyon  ng batambatang si Skylester dela Cruz  at ang mga producer ay sina Johnny Mateo at Jaime dela Cruz.

Pagkatapos ng premiere night (na in fairness punumpuno ng tao at tayuan talaga) namumugto ang mga mata ni Mystica. Pati ako ay iyak ng iyak din.

Para akong nanood ng MMK.

“This movie is highly recommended. Ito ang natatanging pelikula na nagawa ko na napaiyak ako ng sobra-sobra. Tungkol sa pamilya rin kasi ang movie at tagos ito sa puso ko ngayon lalo na sa mga panahong ito, wala akong pamilya, malayo ako, tanging si Throy Montez lang ang pamilya ko ngayon,” sabi ni Mystica.

MAKATAS – Timmy Basil

About Timmy Basil

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *