Friday , March 29 2024

Jay-R, balik-recording na

ISANG maayos ang hitsurang nag-guest ang singer-actor na si Jay-R Siaboc sa Cristy Ferminute noong Martes, kasama ang kanyang live-in partner na si Tricia at kanilang three year-old na anak na si Haley.

Kamakailan ay naiulat na boluntaryong sumuko si Jay-R sa mga alagad ng pulisya sa Toledo City, Cebu kabilang ang mahigit 500 pang mga umano’y drug user at pusher doon.

Nasa himpilan si Jay-R ng Radyo Singko para linawin lang ang lumabas na balita. Una, hindi raw boluntaryong pagsuko ang kanyang ginawa, kundi pagsadya sa estasyon ng pulis para linisin ang kanyang pangalan.

Aniya, tatlong taon na raw siyang hindi gumagamit ng ipinagbabawal na gamot.

Ikalawa, hindi raw totoong kabilang siya sa watch list na nasa pag-iingat ng pulisya.

Ang totoo, he was on drugs taong 2010, noong mga panahong ikina-depress niya ang kawalan ng trabaho sa ABS-CBN kung kaya’t umuwi siya sa kanilang bayan sa Cebu.

Hindi rin daw naging madali ang kanyang naging buhay doon. Naroong kumita lang siya ng konti para sa pamilya, kahit magkano na lang ang ibayad sa kanya sa ilang gabing pagkanta ay pinapatulan niya.

Peer pressure o pambubuyo ng tropa, ito raw ang nagtulak sa kanya sa bisyo. Pero dumating din daw ang panahong napag-isip-isip niya na talagang walang patutunguhan ang kanyang pagkagumon sa droga, ‘yun ‘yong panahong isinilang na sa mundo ang kanyang anak.

Sa ngayon, Jay-R is back to normal. At laking ganda nga ang resulta ng kanyang voluntary surrender, napaluwas kasi siya sa Maynila sa mga kaliwa’t kanang TV interviews.

Sa parte naman ng itinuturing niyang nanay sa showbiz na si Tita Cristy, hindi matatagalan at muli nang masisilayan si Jay-R doing what he loves best and does best: ang pag-awit kakambal ng pag-arte.

Kaya sa mga tagahanga ng mahusay na mang-aawit na sa kabila ng kanyang pamamahinga ay nariyan pa rin, good news…nalalapit na ang pagbabalik ni Jay-R Siaboc!

HOT, AW! – Ronnie Carrasco III

About Ronnie Carrasco III

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *