P6,000 basic wage ng barangay health workers (BHWS) isinusulong ni Sen. Hontiveros

Kumbaga, puwede na ‘yan kaysa wala.

Pero dapat noong nasa Philhealth pa si Senator Risa Hontiveros ‘e ginawa na niya ‘yan.

E ibubulong lang niya kay PNoy at kay Roland Llamas ‘yan, tiyak aprub agad.

Kung tutuusin, Madam Senator, maliit pa rin ‘yan. Hindi ganyan ang gusto ni Secretary Judy

Taguiwalo.

Sabi nga ng Pangulong Digong, maraming puwedeng pagkuhaan ng pondo para mabigyan nang sapat na kompensasyon ang maliliit na mamamayan na nagseserbisyo sa sambayanan.

Ibig sabihin, maraming puwedeng singilin lalo na ‘yung mga hindi nagbabayad nang tamang buwis.

Noong nasa Philhealth kayo Madam Senator, puwede na ninyong imungkahi noon na bigyan ng Philhealth coverage ang community health workers pero bakit ba hindi ninyo naisip noon?

Masyado ba kayong abala sa inyong personal na buhay Madame Senator?

Sayang tuloy.

Baka kung nagawa ninyo ‘yan ‘e naging No. 2 Senator ka, next to Senator TESDAman.

Kidding aside, sabi nga ni Pangulong Digong, hindi na ninyo kailangan gumawa nang gumawa ng batas, tingnan na lang ninyo kung ano ang mga batas na hindi naipatutupad at isulong ninyo kung paano ito makatutulong sa executive and judiciary branch.

Napako-logical niyan, Madam Senator.

Research pa more, para naman maging makabuluhan ang iyong unang termino bilang Senadora.

‘Yun lang po!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com