Friday , March 29 2024

Paglutas ng traffic problem sa Metro Manila

SA pagpapatuloy ng matin-ding problema sa trapiko sa Kalakhang Maynila, dahilan ito para sa pagkawala ng P2.4 bilyong productivity kada araw, na maaaring lumaki pa sa P6 bilyon sa pagsapit ng taon 2030.

Ito ang babala ng Japan International Cooperation Agency (JICA) sa pagsusumite ng mga panukala sa adminis-trasyong Duterte ng pama-maraan sa decongestion ng Metro Manila at matugunan ang problema ng matinding trapiko sa lansangan.

Ayon sa kilalang urban planner at arkitektong si Felino Palafox Jr., nararapat lang na ikonsidera ni Pangulong Rodrigo Duterte at kanyang Gabinete ang mga panukala ng JICA kung nais maiwasan ang inaasahang productivity losses ng bansa.

“Para maresolba ang problema, kailangan ng limang bagay: isang lider na may vision, mahigpit na political will, magandang disenyo, magandang pagpaplano at maayos na pamamahala. Kaya pabor ako na mabigyan si Pangulong Duterte ng emergency powers basta lang may transparency,” punto ni Palafox.

Kabilang sa mga panukala ng JICA ang paglipat ng Manila North Harbor at Ninoy Aquino International Airport sa lalawigan ng Batangas at Sangley Point sa Cavite.

“Lubhang napakataas ng growth rate ng Kalakhang Maynila, partikular sa in-migration. Ang kailangan ay matukoy ang mga growth center sa labas ng Metro Manila na puwedeng magsilbing mga countermagnet,” ani Palafox.

Ipinaliwanag ng JICA na dahil ang domestic shipping ay nagmumula sa katimugan ng Maynila, magkakaroon ng savings sa ship operating cost kung dadaong sa Batangas kaysa North Harbor.

“Magti-trigger din ito ng shift ng cargo movements palayo sa Maynila at makapagbibigay ng volume ng exportable twenty-foot equivalent units o TEUs (ang capacity unit ng mga container ship) na makahihimok sa mga foreign vessel na dumaong sa Batangas Port,” dagdag ng JICA.

Ipinanukala din ng nabanggit na ahensiya ang karagdagang secondary mass transit lines at gayon din ang posibleng subway system para matugunan ang lumalagong commuting requirements ng pangunahing mga central business district.

Nanawagan din ang JICA sa pamahalaan na palawigin pa ang operasyon ng mahigit sa 35,000 jeepney at 5,000 bus na bumibiyahe sa Metro Manila para makatulong na maibsan ang problema ng congestion at trapiko.

ni Tracy Cabrera

About Tracy Cabrera

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *