HATAW! D'yaryo ng Bayan hatawtabloid.com
MAY nakuha nang ebidensiya ang National Police Commission (NAPOLCOM) laban sa tatlong aktibong heneral ng PNP na isinasangkot sa illegal drugs.
Ayon kay Napolcom Vice Chairman Rogelio Casurao, isang linggong hihimayin ng komisyon ang mga nabanggit na ebidensiya laban kina Chief Supt. Bernardo Diaz ng Police Regional Office 6, dating NCRPO Chief Supt. Joel Pagdilao at dating QCPD Chief Supt. Edgardo Tinio.
Pahayag ni Casurao, bumuo sila ng tag-iisang ad hoc committee sa kada heneral para mabigyan ng kaukulang panahon ang mga ebidensiya at depensa ng bawat heneral.
Paliwanag ni Casurao, kailangan ang tig-iisang komite dahil hindi magkakapareho ang depensa ng bawat opisyal.
Sibak sa tungkulin ang tatlo kapag napatunayang guilty sa pagkakasangkot sa illegal drugs.
