HATAW! D'yaryo ng Bayan hatawtabloid.com
INAKALANG sinapian ng masamang espirito ang anak dahil tatlong araw nang hindi makatulog kaya nagpasyang dalhin sa isang albularyo ng mga magulang ngunit sinaksak sila nang napulot na basag na salamin sa Muntinlupa City kamakalawa.
Agad binawian ng buhay habang nilalapatan ng lunas sa Ospital ng Muntinlupa ang ginang na si Sonia Corres, 54, habang malubha ang kalagayan ng mister niyang si Adimo, makaraan pagsasaksakin ng kanilang anak na si Arnel, 32-anyos.
Sa imbestigasyon ng pulisya, dakong 9:00 pm nang mangyari ang krimen sa panulukan ng Beberly St., at National Road, Brgy. Tunasan ng naturang lungsod.
Sa ulat ng Muntinlupa City Police, naglalakad ang mag-asawang Sonia at Adimo kasama ang anak nang makapulot ng basag na salamin ang suspek at biglang pinagsasaksak ang mag-asawa. ( JAJA GARCIA )
