Categories: Sports

Isang batman na lang ang natira sa OKC

TINULDUKAN na ang pag-asa ng Oklahoma City Thunder na maging kampeon pa ng NBA.

Dahil kahapon ay putok sa lahat ng balita sa internet na pumirma na ng bagong kontrata ang free agent na si Kevin Durant sa Golden State Warriors.

Kaya doon sa mga fans ni Durant, tiyak na lipat na rin sila ng itsi-cheer sa susunod na season ng NBA.

Well, pagkatapos ng rigodon na iyon ay inaasahan na ang mga kritisismo laban kay Durant, lalo na ang fans ng Thunder.  Kitang-kita na kasi ang pag-usad ng team sa nakaraang season na kung saan ay umabot sila sa Western Conference finals.   At take note, muntik na nilang masilat ang Warriors na umabot pa nga ng Game 7.

Pagkatapos ng pagkabigo sa Warriors sa West Finals, dito na simulang mangarap ang mga fans ng Thunder pero hanggang doon na lang pala ang pangarap dahil hindi na madudugtungan ang pananalasa ng OKC.

Wala na ang isang Batman ng OKC at isang Batman na lang sa katauhan ni Russell Westbrook na lang ang magtitimon ng Thunder.

Ang tanong ngayon ay kung magji-jell naman kaya si Durant sa line-up ng GSW?

Alam naman natin na malalim ang bench ng GSW.   Naroon sina Steph Curry, Thompson at Green.   Ano ngayon ang gagampanan niyang papel sa team gayong ang tatlong nabanggit ay siyang tikador ng prankisa.

Well abangan na lang natin ang susunod na kabanata.

Pero ang paglipat ni Durant sa GSW ay hindi na bago sa NBA.   Marami nang star players ang gumawa noon.  Di ba’t nangyari na iyon kay LeBron James?   Lalo na nang lumipat siya mula sa Cleveland papuntang Miami Heat.   Inulan siya ng kritisismo at mura sa desisyon niyang iyon.   Pero matatag siya na napagkampeon ang Heat.   At pagkatapos ng stint sa Miami ay bumalik siya sa Cleveland para muling mamayani sa NBA kontra Warriors.

Ang mga star players na katulad ni Durant ay naniniguro rin na makakaranas sila ng kampeonato.   Ayaw nilang matulad sa ibang star players na nagbabad sa isang prangkisa na hindi nakatikim ng kampeonato hanggang sa magretiro.  Kaya normal lang sa kanila na sumanib sa team na alam nilang puwedeng magkampeon.

Masarap nga naman na makaranas ng kampeonato at magkaroon ng championship ring bago man lang lisanin ang NBA.

KUROT SUNDOT – Alex Cruz

COMMENTS
Alex Cruz

Share
Published by
Alex Cruz

Recent Posts

Regine at the Movies concert tickets, mabentang-mabenta

TIYAK na magugulo ang New Frontier Theater dahil isang malaking event ang magaganap sa Sabado, ang Regine at the Movies…

1 hour ago

Paolo Contis, pantapat kay John Lloyd

POSITIBO ang lahat ng reaksiyon ng mga nanood ng Through Night and Day premiere night noong Lunes na pinagbibidahan nina Paolo Contis at Alessandra…

6 hours ago

Estudyante ni Ogie Diaz, nag-ala Sarah Geronimo

PASLIT pa lang si Jermae Yape ay hilig na niya ang kumanta at sumayaw. Kaya naman hindi niya ine-expect na aabot…

6 hours ago

Kris, napuno na, business partner, itutuluyan na! (5 beses pinagbigyan, amicable at fair settlement)

ILANG linggo na ang nakalipas mula nang pormal na sampahan ng kaso ni Kris Aquino sa pitong munisipyo sa Metro Manila ang…

6 hours ago

PH nakahanda bilang country coordinator ng ASEAN-China Dialogue Relations

SINGAPORE -Nakahanda ang Filipinas na gampanan ang papel bilang country coordinator ng ASEAN-China Dialogue Relations hanggang 2021. Sa kanyang ‘intervention’…

6 hours ago

Suporta sa ASEAN tiniyak ni Duterte (Sa ayuda sa Rakhine state)

SINGAPORE -  Ginarantiyahan ni Pangulong Rodrigo Duterte ang buong suporta sa mga ginagawang hakbangin ng ASEAN sa pagbibigay ng humanitarian…

7 hours ago