HATAW! D'yaryo ng Bayan hatawtabloid.com
NEGATIBO sa drug test ang pulis na nag-amok sa loob ng Manila Police District (MPD) headquarters.
Ayon kay Chief Insp. Arsenio Riparip, hepe ng MPD general assignment section, walang traces ng droga sa ginawang test ngunit mahaharap pa rin sa ibang pagsusuri ang nagwalang si PO1 Vincent Paul Solarez.
Matatandaan, nagpaputok ng baril ang nasabing Manila policeman at binasag din ang mga gamit sa loob ng MPD headquarters.
Ayon kay Riparip, isasailalim si Solarez sa neuro psychiatric exam sa susunod na mga araw.
Kahapon ng umaga, nakitaan ng problema ang nag-amok na pulis dahil maging ang ina at dumalaw na girlfriend ay sinisigawan niya.
Nabatid na dalawang linggo pa lang na nakatalaga si Solarez sa MPD bago nangyari ang kanyang pag-aamok.
