Friday , March 29 2024

Holdaper utas sa pulis (Nasukol kaya nang-hostage)

PATAY ang isang 41-anyos lalaki nang manlaban sa bagitong pulis makaraan holdapin ang isang empleyada at nagawa pang mang-hostage ng isang pasahero sa jeep upang hindi maaresto sa Muntinlupa City kamakalawa ng umaga.

Agad binawian ng buhay dahil sa isang tama ng bala sa dibdib ang suspek na kinilalang si Edelberto G. Patricio, walang hanapbuhay, alyas Buboy, at nakatira sa No. 88 Sitio Pag-asa, San Martin de Porres, Parañaque City.

Ayon sa pulisya, dakong 8:55 a.m. nang maganap ang insidente sa kahabaan ng East Service Road, Cupang, Muntinlupa.

Bago ang pangyayari, nagpapatrolya sa naturang lugar sina PO1 Harim Corpuz, PO1 Fitz Lee Lapugan at PO1 Pia Palispis, lulan ng mobile car, nang may nagreport sa kanila na hinoldap ang isang babae makaraan tutukan ng baril ng lalaking nakasuot ng t-shirt na kulay dilaw.

Kinilala ang biktimang si April Depasucat, 26, at empleyado sa mall.

Mabilis na nagresponde ang mga pulis at pinara ang tricycle habang sakay roon ang holdaper ngunit tumalon at tumakas ang suspek.

Nagkaroon nang habulan hanggang sumakay sa pampasaherong jeep ang suspek at ini-hostage si Rodelisa Villanueva, 42, production operator ng Amkor Technology Phils.

Pinakiusapan si Patricio na sumuko ngunit bumaba ng jeep kasama si Villanueva at pumasok sa vulcanizing shop bago pinaupo roon ang babae habang naghahanap ng matatakasang daan ang suspek.

Nang masukol ng mga pulis si Patricio, imbes sumuko ay itinutok ang kanyang baril kay PO1 Corpuz ngunit inunahan siya ng pulis na ikinamatay ng suspek.

Narekober sa suspek ang kalibre .38 revolver na may apat na bala, isang backpack na may lamang dalawang cellpones at iba pang gamit.

About Hataw News Team

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *