Thursday , March 28 2024

Pinay pinalaya ng ASG (Negosasyon ni Duterte para sa Norwegian tuloy)

PINALAYA na ng grupong Abu Sayyaf ang Filipina hostage na si Marites Flor.

Ayon kay President-elect Rodrigo Duterte kahapon, nakipagnegosasyon siya sa Abu Sayyaf para sa pagpapalaya kay Marites Flor.

Sinabi ni Duterte, nakipagnegosasyon din siya para sa paglaya ng isa pang Abu Sayyaf hostage na si Norwegian Kjartan Sekkingstad, ngunit hindi ito natuloy dahil sa ilang problema.

“Kidnapping must stop because it has given us a very bad image,” aniya.

Sinabi ni incoming presidential peace adviser Jesus Dureza, ang paglaya ni Flor ay “act of goodwill” mula sa Abu Sayyaf.

Aniya, si Sulu Governor Abdusakur Tan ang naging instrumento sa pagpapalaya kay Flor.

Sinabi ni Dureza, si Flor, 38, ay babalik na sa kanyang hometown sa Valencia, Bukidnon.

Ang paglaya ni Flor ay naganap makalipas ang sampung araw makaraan pugutan ng mga bandido ang kanyang live-in partner na si Canadian Robert Hall, nang hindi mabayaran ang P300 milyon ransom na hinihingi ng Abu Sayyaf.

Naunang pinugutan ng mga bandido si Canadian John Ridsdel, dating mining executive, noong Abril.

Sina Ridsdel, Canadian Robert Hall, Sekkingstad at Flor ay dinukot mula sa yachts sa marina sa Samal Island sa Mindanao noong Setyembre 21, 2015.

Unang humingi ang mga bandido ng P1 bilyon bawat isa para sa mga bihag ngunit ibinaba ito sa P300 milyon bawat isa nitong taon.

Ngunit iginiit ng gobyerno ng Filipinas at Canada, na ipatutupad ang ‘no ransom policy’ sa mga kagayang kaso.

Binuo noong early 1990s at pinondohan ni Al-Qaeda chief Osama bin Laden, nakilala ang Abu Sayyaf sa pagdukot ng mga dayuhang terorista kapalit ng ransom noong early 2000s.

Sa grupo isinisisi ang matitinding terrorist attacks sa bansa, katulad nang pagpapasabog sa isang ferry sa Manila Bay noong 2004 na ikinamatay ng mahigit 100 katao.

Pinaniniwalaang mayroon lamang ilang daan tauhan, ngunit dumami sa ilang mga lugar sa Mindanao na ilang taon nang ipinaglalaban ng Muslim rebels ang kanilang independence o awtonomiya.

About Hataw News Team

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *