Blind item no. 1:  Barangay official na nagpapasasa sa illegal parking bilang na ang maliligayang araw

Dear Sir Jerry,

Hindi magmakamayaw sa pagyeyehey ang mga driver na kinokotongan ng isang barangay chairman sa Maynila.

Natuwa sila dahil aayusin na ng ibinoto nilang si Mayor Digong ang parking sa Metro Manila.

Hindi na nila kailangan mapasailalim sa isang hoodlum na barangay chairman. Matagal na raw nilang inaasam na maging maayos ang kanilang parking at ang kanilang ibinabayad ay mapunta sa kabang-yaman ng pamahalaang lungsod.

Pero sadyang ginagawa silang ilegal ng isang barangay chairman sa Maynila para sa kanya mapunta ang kanilang ibinabayad.

Sabi ng mga UV Express driver, “Talagang si Digong po ang ibinoto namin dahil alam namin na matapang siya at determinadong ‘patayin’ ang mga ilegalista.

“Magdiriwang po kami kapag nawala na ang hayop na hoodlum na barangay chairman na nangongotong sa amin.”

‘Yan po Sir Jerry, ang malinaw na pahayag ng mga driver na biktima ng hoodlum na barangay chairman.

Salamat po,

Obet De Leon

Central Post Office,

Plaza Lawton

Ermita, Manila

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com