2 patay, 4 sugatan sa barilan sa Masbate

NAGA CITY – Patay ang dalawa katao habang sugatan ang apat iba pa sa barilan sa Brgy. San Andres, Balud, Masbate kamakalawa.

Kinilala ang mga namatay na sina Joel Catalan, 27, at ang isa sa limang mga suspek na si Darie Dalinog, 28-anyos.

Sugatan sa insidente ang mga biktimang sina Jesus Catalan, Jessie Astorias at Azer Villalobos. Sugatan din ang isa sa mga suspek na si Nilo Delfin.

Napag-alaman, habang nakikipaglamay si Catalan kasama sina Jesus Calatan, Astorias at Villalobos nang dumating ang mga suspek na sina Dalinog, Nilo Delfin at tatlong iba pa.

Sa hindi malamang dahilan, bigla na lang pinagbabaril ng mga suspek ang grupo ng mga biktima na naging dahilan nang agarang pagkamatay ni Joel Catalan habang sugatan ang kanyang mga kasamahan.

Samantala, tatakas na sana ang mga suspek nang biglang bumunot ng baril si Jesus Catalan at gumanti sa mga suspek.