25-M estudyante nagbalik-eskuwela

TINATAYANG 25 milyon estudyante mula sa kinder, elementarya at sekondarya o high school ang nagbabalik-eskuwela nitong Lunes.

Makasaysayan ang pagbubukas ng school year 2016-2017 dahil magsisimula na rin ngayong taon ang senior high school.

Nasa 1.5 milyon estudyante ang inasahang papasok sa Grade 11. Sila ang unang batch ng senior high school sa ilalim ng K-12 program.

Taon 2010 pa pinaghandaan ng Department of Education (DepEd) ang pagpapatupad sa programa.

Sa ngayon, umabot na sa 185,000 silad-aralan ang naipagawa habang 36,000 guro ang idinagdag para sa pagsisimula ng Grade 11 ngayong school year.