Tuesday , March 19 2024

Politika na ang no. 1 sa puso ni PacMan

KUNG DATI, ang prayoridad ni Manny Pacquiao ay ang boxing fans at ang larong boksing—ngayon, una sa kanya ang Senado at ang kanyang constituents.

Kaya nang nanalo siya bilang Senador ng bansa, biglang kambiyo ang unang ideya niya na sasali siya sa Rio Olympics para asamin ang unang gintong medalya ng Pinas sa nasabing  quadrennial event.

Biglang naglaho sa kanyang isipan iyon.   Ngayon nga, una na sa kanya ang politika.   Period.

Kaya yung umaasa na babalik pa si Pacquiao sa ring…suntok sa buwan na ang ideyang iyon.

Sabagay, hindi mo na siya masisisi.   Marami na siyang ibinigay na karangalan sa bansa.  At ngayon nga, sertipikadong RETIRED na siya sa boksing.  Babu!

0o0

Bago pa magharap ang Cleveland Cavaliers at Golden State Warriors sa NBA Finals—parang nasa cloud 9 ang fans ng Cavs dahil nga sa tingin nila, ngayon na ang pagkakataon ng kanilang iniidolong si LeBron James na magkampeon pagkatapos ng kanyang stint sa Miami Heat.

Kumpara kasi sa nakaraang season na tinalo sila ng Warriors sa NBA Finals, ngayon ay iba na ang atmospera ng laban dahil kung sa nakaraan ay wala sina Kyrie Irving at Kevin Love, ngayon ay kumpleto ang Tatlong Itlog para bumawi sa Warriors.

Isa pang pinagbabatayan ng Cavs fans ay ang pagdomina nina LeBron at mga kasama sa lahat ng nakalaban sa playoffs maging sa East Conference Finals.

Parang bagong overhaul ang team na kahit sino ang humarang ay giba.

Sa NBA Finals nga, nasubok ang tibay na inaasahan sa Cavs.  At sa dalawang laro sa kampo ng Warriors, nagiba sa imahinasyon ng fans ang binubuo nilang puwersa ng iniidolong team.

Dalawang beses silang tinambakan ng Warriors.

Pero teka.   Nasa Game 2 pa lang tayo.   Babalikwas ang Games 3 at 4 sa teritoryo ng Cavs.   Puwede naman silang makabawi at itabla ang serye.  Sadyang ganoon lang ang buhay sa NBA, kung kaninong kampo ang laro—llamadong-llamado na manalo.

Iyon nga lang—iba nang level ang inilalaro ng GSW pagdating sa NBA Finals at may kapasidad itong manalo kahit na sa teritoryo ng kalaban.

At iyon ang dapat na mapigilan ng Cavs para manatiling buhay ang pag-asang makuha ang kampeonato.   Hindi sila dapat maisahan ng Warriors sa sarili nilang teritoryo hanggang Game 6.

KUROT SUNDOT – Alex Cruz

About Alex Cruz

Check Also

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

RP Blu Boys JHL Jean Henri Lhuillier

JHL nagalak  
CEBUANA LHUILLIER SOFTBALL TEAM WAGI SA PANGEA CUP INT’L SLO PITCH TOURNEY

MULING nagwagi ang RP Blu Boys, na ipinagtanggol ang kanilang titulo sa Men’s Super Division …

Pinoy electrical & civil engineers bowler rivalry sa WED tuloy-tuloy

Pinoy electrical & civil engineers bowler rivalry sa WED tuloy-tuloy

SA TEMANG “Engineering Solutions for a Sustainable World,” ang Philippine Technological Council (PTC) WED celebration …

Michael Concio Chess

FIDE Rapid Rated event:  
IM CONCIO KAMPEON SA 1ST MARINDUQUE NAT’L CHESS CHAMPS

Final Standings: (Open Division, 83 participants) 6.5 points—IM Michael Concio Jr. 6.0 points—FM Roel Abelgas, …

Daniel Quizon Jonathan Jota Chess

Quizon giniba si Jota nanguna sa 1st Marinduque National Chess Championship

MANILA — Winalis ni reigning Philippine National Open Champion International Master Daniel Quizon ang kanyang …

Leave a Reply

Your email address will not be published. Required fields are marked *