Friday , March 29 2024

Toni, nalungkot sa pagkaudlot ng Written In Our Stars

HINDI maitatanggi na supporters ni Senator Bongbong Marcos ang mag-asawang Toni Gonzaga at Direk Paul Soriano sa kanyang kandidatura bilang Vice President. Nanalo na si Cong. Leni Robredo. Ano ang reaksiyon ni Toni sa akusasyon na may dayaan umanong nangyari?

“Hindi ko na nga nasundan,eh. Ang sa akin kasi, ‘di irespeto natin kung ano ang desisyon ng tao. At the end of the day naman kung ano ‘yung magiging resulta ay irespeto naman natin ‘yun. Wala naman tayong hard feelings kasi I think we’re all entitled to our own beliefs, ‘yung ating pinaniniwalaan at sinusuportahan. Hindi naman natin kinokontra ‘yung sinusuportahan ng iba kasi lahat naman tayo individually, we have our own right,” deklara niya.

Naniniwala ba siya na may dayaang nangyayari?

“Ayaw ko kasing magsalita ng ganyan kasi hindi naman tayo taga-politika. Hindi naman ako taga-Comelec, so mahirap manghusga ng ibang tao. Pero siyempre, wish naman nating lahat, kung ano ‘yung tama, kung ano talaga ‘yung totoong nangyari, ‘yun sana ang mangyari,” pakli pa ni Toni.

Samantala, nanghinayang ba ng Ultimate Multimedia sa pagkakaudlot ng serye niyang Written in Our Stars katambal si Piolo Pascual?

“I feel bad for the whole team kasi first time ko ma-experience’yung parang feeling ko ako ‘yung naging cause of delay for everyone. Siyempre, given the choice and the chance gusto ko talaga ituloy-tuloy ‘yung project. Sabi pa nga ng doctor ko, ‘ You shouldn’t feel that way. You shouldn’t feel guilty. You have a blessings’. Pero I feel bad kasi nga may show na maghihintay, made-delay. Pero sabi nga nila everything happens for a reason.. kasi may anak ako roon, eh. So, baka pagbalik ko alam mo ‘yun, may affiliation ako roon sa bata. Mas magiging totoo ‘yung approach ko.

“Nasimulan na namin. Nakunan na lahat ang pinaka-vital I mean pivotal na pilot at saka establishing ng story,” sambit niya nang makatsikahan namin sa taping ngHome Sweetie Home katambal si John Lloyd Cruz.

Ano ang reaksiyon niya na ayaw ni Piolo na palitan siya bilang leading lady? Nakakasa na kasi at naka-mindset na si Papa P na siya ang wife niya sa serye?

“Wow! Akala ko nga ano… nag-ready na rin ako na baka palitan na ako. Ganoon talaga. First time kasi namin, eh. Sabi ko, ang bait naman ni PJ kasi 13 years kami bago nakapag-movie, eh. Ganoon ‘ata talaga kami, laging  may kaunting delay.’Yung hindi puwedeng matuloy agad. Ngayon made-delay lang kami ng ilang months,” sey pa niya.

Back to work si Toni pagkapanganak dahil may commitments siya. Humihingi lang daw siya ng first three months na matutukan ang baby niya at ma-experience ang breastfeeding.

“Pero, of course, priority ko ‘yung baby ko. May maternity leave naman ako at saka nakaplano lahat ‘yun kasi magba-bangko kami ng ilang episodes ng ‘Home Sweetie Homes’,” sambit pa niya.

TALBOG – Roldan Castro

About Roldan Castro

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *