Thursday , March 28 2024

Sekyu kalaboso sa blackmail sa dalagita (Halikan ng mag-BF kinuhaan ng video)

REHAS na bakal ang kinasadlakan ng isang 34-anyos security guard makaraan i-blackmail ang dalagitang nakuhaan niya ng video habang nakikipaghalikan sa kasintahan sa Caloocan City.

Kinilala ni SPO1 Gigie De Jesus, hepe ng Caloocan Police Women and Children’s Protection Desk (WCPD), ang suspek na si Enrique Coranez, security guard ng Eternal Gardens Memorial Park at residente ng Licao-Licao, San Isidro, San Jose Del Monte, Bulacan.

Lumabas sa imbestigasyon, nagtungo ang 16-anyos dalagitang si “Katya” sa Eternal Gardens Memorial Park sa East Service Road, Bagong Barrio noong nakaraang linggo, kasama ang binatilyong kasintahan.

Habang nasa loob ng memorial park, hindi napigilan ng magkasintahan ang maghalikan ngunit nakuhaan ng video ni Coranez.

Nang matuklasan ng magkasintahan na kinukuhaan sila ng video, pinakiusapan nila ang guwardiya na huwag nang ipaalam sa kanilang mga magulang ang insidente.

Pumayag si Coranez kapalit ng paghingi sa numero ng mobile phone ni Katya na kanya munang tinawagan upang matiyak na tama ang numerong ibinigay ng  dalagita.

Nang makauwi na sa bahay, nagsimula na siyang i-text ni Coranez at hinihimok na makipagtalik sa kanya kapalit ng pangakong hindi ibubulgar ang video nang paghahalikan nila sa kasintahan.

Sa puntong ito, nagpasyang magsumbong sa kanyang tiyuhin ang dalagita na siyang nagpayo sa pamangkin na kunwari’y pumayag sa kagustuhan ng suspek.

Dakong 7 p.m. kamakalawa nang makipagtipan ang dalagita sa guwardiya sa isang lugar sa Bagong Barrio na nagresulta sa pakakadakip sa suspek.

Kasong paglabag sa R.A. 7610 o Child Abuse Law ang isinampa ng pulisya laban sa security guard sa piskalya ng Caloocan City.

About Rommel Sales

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *