Friday , March 29 2024

Lim tapat pa rin sa Liberal

BINIGYANG-DIIN kahapon ng nagbabalik na si Manila Mayor Alfredo Lim na nananatili siyang tapat sa Liberal Party (LP) at sa presidential bet nilang si Mar Roxas na pumili sa kanya bilang kandidato para alkalde ng Maynila at ang pagtanggap ng suporta mula kay BUHAY Party-list Congressman Lito Atienza at anak na si incumbent fifth district Councilor at vice-mayoral candidate Ali Atienza ay walang kinalaman sa kanyang katapatan sa partido.

Ayon kay Lim, walang kandidato na nasa tamang pag-iisip ang tatanggi sa anuman at lahat ng uri ng suporta o tulong mula sa lahat ng uri ng grupo o sektor, maging kakampi man o taga-oposisyon. Inihalimbawa ni Lim ang nangyari mismo kay LP standard bearer Mar Roxas na aniya ay hindi maaaring sisihin sa pagtanggap ng endorsement ni San Juan Mayor Guia Gomez, sa kabila na si Gomez ay hindi naman taga-LP at asawa ni dating President Joseph Estrada na taga-oposisyon.

Si Gomez ay kaanib ng Puwersa ng Masang Pilipino (PMP) ni Estrada at ng United Nationalist Alliance (UNA) ni Vice President Jojo Binay.

“Hindi porke tinanggap ni LP presidential bet Mar Roxas ang suporta  ni Mayor Guia na taga-oposisyon, ibig sabihin ay bumaligtad na sa partido. Gayon din, ‘di porke tinanggap ko ang suporta ng mga Atienza e bumaligtad na rin ako sa partido. Pag sinabing bumaligtad, tumiwalag ako sa partido o kaya lumipat ng partido,” ani Lim, kasabay ng pahayag na isa siyang tapat na miyembro ng LP bago pa man maging miyembro ng partido si Asilo at ni minsan umano ay hindi siya bumaligtad o nang-iwan ng partido.

Idinagdag ni Lim na bago niya tinanggap ang suporta ng mga Atienza ay may mga ‘Estrada-Asilo’ materials nang kumakalat sa Tondo at mga balitang nakikipag-usap din kay Rep. Amado Bagatsing pero ni hindi niya tinanong si vice mayoral candidate Rep. Benjamin Asilo ukol doon.

“Marami ngang taga-LP ang nagtatanong noong LP proclamation rally sa Plaza Miranda kung bakit parehong naka-orange na sapatos si Asilo at kapatid nitong kandidato din ng LP pag-akyat ng entablado, pero sabi ko, baka nagkataon lang,” dagdag ni Lim.

May ilang buwan nang nakalilipas ay kinausap na umano niya si Asilo upang pag-isipang mabuti ang kanyang kandidatura, lalo pa’t pare-pareho ang ipinakikita ng mga survey na palagi siyang kulelat, kundi pangatlo ay pang-apat.

Sa naturang surveys na kinabibilangan ng mga isinagawa ng opposition camps gaya ng  UNA at PMP, sina Lim at Ali ang palagiang nangunguna nang may malaking kalamangan sa kanilang mga kalaban.

Ito, ani Lim, bukod pa sa matinding public clamor para sa isang ‘Lim-Atienza’ tandem sa Maynila, ang nagbunsod sa kanya upang tanggapin at ibalik ang suportang ibinibigay ng mga Atienza.

Inihayag ni Congressman Atienza na maging ang kanyang anak na si  Konsehal Ali ay walang ineendosong alkalde kundi si Lim lamang, dahil hindi umano maituturing na seryosong kandidato si Rep. Amado Bagatsing dahil hindi kumakampanya at nagpahayag pa na siya (Bagatsing) at si Estrada ay hindi magkaaway.

Sa press conference, sinabi ni Lim ang pagtanggap sa suporta ng mga Atienza, binanggit din ni Lim ang plano na muling kausapin si Asilo gaya nang una nilang pag-uusap, upang magbigay-daan na lang dahil patuloy na ipinakikita ng mga survey at public clamor ang pangunguna nina Lim at Ali bilang kandidato sa pagka-mayor at vice mayor.

Gayon man, hindi umano nagpakita sa kanya si Asilo sa kabila ng ilang tangka na magkita sila.

Nagpahayag ng suporta sa isa’t isa sina Atienza at Lim sa pagnanais na maibalik lahat ng libreng serbisyong ipinairal ni Lim pero tinanggal ni Estrada gaya ng libreng ospital, health centers, paggamit ng sports complex at gayon din upang muling ibaba ang amilyar na itinaas ni Estrada sa 300 porsiyento at itigil ang walang patumanggang towing at paghuli ng mga pedicab at tricycle drivers sa lungsod.

About Leonard Basilio

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *