Thursday , March 28 2024

Naval at Del Rosario, naglabas ng saloobin sa pagtatapat ng This Time at Just The 3 of Us

00 fact sheet reggeeSA ginanap na presscon ng pelikulang This Time na idinirehe ni Nuel Naval produced ng Viva Films ay naglabas siya ng sama ng loob niya sa Starcinema dahil tinapatan sila ng pelikula nina John Lloyd Cruz at Jennylyn Mercado na idinirehe ni Cathy Garcia-Molina.

Nauna ang Viva Films sa playdate na May 4 samantalang ang Lloydie at Jennylyn movie ay supposedly April 27 katapat ng Captain America:  Civil War pero dahil hindi pa raw tapos ang post production kaya postponed.

Nauna nang naglabas ng saloobin niya si direk Nuel sa social media noong Abril 25 at muli niyang inulit noong presscon nina James Reid at Nadine Lustre.

“Sabi ko nga, I wish I’m just a director, pero tao rin pala ako. Nasaktan ako kasi I’ve been a Kapamilya for more than 20 years and JaDine is also a Kapamilya at nagtaka ako bakit kailangang mangyari ‘yun.

“And I question, sabi ko, ‘sana magtulungan instead magtapatan. But then again, I just want positivity, hayaan na lang,” paliwanag mabuti ng direktor.

Kung si direk Nuel ang nasa katayuan ng Starcinema, ano ang mas pipiliin niyang makatapat na pelikula, foreign film tulad ng Captain America o local film?

“Well, ako kasi, corny man ito, sabi nga ni Heneral Luna, ‘ang totoong kalaban ng mga Filipino, Amerikano’ so sana hindi mga Filipino ang mga kalaban natin, sana Amerikano.

“Maliit lang ang industriya, so ako, sana hindi nagtapatan. Kaya ko naman ito nasasabi is because nasasaktan dahil mahal ko sila, mahal ko ang Star Cinema, mahal ko ang ABS, Kapamilya nga ako. So that’s why masakit sa akin, kung hindi ako Kapamilya, it wouldn’t have matter actually, kebs ko ba?” katwiran ng direktor.

Dagdag sabi naman ni Ms. Mel del Rosario na siyang sumulat ng This Time, “kung ang tumapat Seiko (Films), Amazaldy (Films), ang luma… o kaya El Nino (Films), hindi sasama ang loob, okay na ‘yan.”

At ang katwiran din ng kilalang manunulat, “well it felt like Philippines and China na over Spratly. ‘Yun ‘yung unang naramdaman ko, I was surprised and talaga namang sumama ang loob ko being a Kapamilya myself.

“And then after that said, I tried to understand ‘yung business decision they had to, parang ganoon. Sabi na lang namin, just focus on the movie na mas pagandahin at tapusin nang maganda sa post (production) ganyan.

“We agreed na we will not dwell on a negativity na bakit itinapat, ganyan, pero siyempre may first reaction really was ah… the 52 Wednesdays ng 2016, talagang iyon ang napili? That was the first human reaction then I process, okay na kami.”

True blooded Kapamilya si Ms. del Rosario at siya ang nasa likod ng mga teleseryeng Be Careful With My Heart, Kahit Puso’y Masugatan, Mundo Ma’y Magunaw at maraming iba pa at siya rin ang creative manager ng Star TV/Starcinema.

FACT SHEET – Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *