HATAW! D'yaryo ng Bayan hatawtabloid.com
MATULOY kaya ang taping ngayong araw, Linggo ng programang Happy Truck Happinas para sa unang episode nila para sa bagong format na gag show?
Balita kasing hindi type nina Ogie Alcasid at Janno Gibbs ang bagong format ng show na mapapanood na tuwing Biyernes, 9:30 p.m. na makakatapat naman ng Bubble Gang.
Sa pagkakatanda namin ay galing ng Bubble Gang si Ogie at kung tama rin ang tanda namin ay nakakapag-guest si Janno sa nasabing gag show ng GMA 7 bukod pa sa kaibigan nila si Michael V na nananatiling loyal sa Kapuso Network.
Dagdag pa na nagkaroon daw ng emergency meeting ang ilang production staff at hosts noong Biyernes ng gabi para pag-usapan na hindi nila gusto ang bagong format ng Happy Truck Happinas.
Bukod dito ay hanggang Agosto 2016 na lang pala ang kontrata ni Ogie sa TV5. Magre-renew ba siya o babalik ng GMA o baka naman go na siya sa ABS-CBN?
Samantala, huling apat na taping days na lang pala ang show na mapapanood sa buong buwan ng Mayo. Akala ba namin ay hindi na ito tatanggalin kapag nag-rate?
Anyway, abangan ngayong araw kung natuloy ang taping o hindi.
FACT SHEET – Reggee Bonoan
